Sansar News
काठमाडौं । अमेरिका र चीनको बीचमा सुरु भएको तनाव चरमतातिर पुगेको छ । अमेरिकाले चीनको विरुद्व कठोर कदम उठाउँदै ह्यूस्टनस्थित चिनियाँ महावाणिज्य दुतावास बन्द गर्न निर्देश गरेको खबर अन्तराष्ट्रिय सञ्चार माध्यमले छापेका छन् । जनाएअनुसार अमेरिकाले दुतावास बन्द गर्न ७२ घण्टाको समय सीमा दिएको छ ।
ट्रम्प प्रशासनको यस कदमप्रति चीन निकै दुःखी भएको कुरा सञ्चार माध्यमले उल्लेख गरेका छन् । चिनियाँ अधिकारले यस कदमलाई अपमानजनक र अनुचित भएको प्रतिक्रिया दिएका छन् ।
अमेरिकाको पागलपन हो : चिनियाँ विदेश मन्त्रालय
चीनको विदेश मन्त्रालयले अमेरिकाको यस कदमप्रति तिव्र असन्तुष्टी जनाएको छ । उसले अमेरिकाको यस कदम पागलपनको शैली भएको टिप्पणी गरेको छ । अमेरिकाको यस कदमले दुई देशको सम्बन्ध अझ खराब हुने चीनको भनाई छ ।
चिनियाँ विदेश मन्त्रालयले अमेरिकाको यस कदम एकतर्फी भएको पनि बताएको छ । विदेश मन्त्रालयका प्रवक्ता वांग वेनबिनले अमेरिकी कदमको निन्दा गरेका छन् ।
वांगले अमेरिकाले आफ्नो कदम फिर्ता नलिए चीनले पनि जवाफ फर्काउने चेतावनी दिएका छन् । एजेन्सी
सम्बन्धित समाचार
ट्रम्पका पूर्व मुख्य रणनीतिकारको खुलासा : चीनको विरुद्व अमेरिका युद्धको अन्तिम तयारी गर्दैछ
वि.सं.२०७७ साउन ७ बुधवार १८:३३ मा प्रकाशित
