हामी सबैकाे संसारन्यूज

काठमाडौं । नेपाली बजारमा सुनको फेरि बढेको छ । केहि दिनदेखि निरन्तर बढेको सुनको आइतबार पनि ५ सय रुपैयाँले बढेको नेपाल सुनचाँदी व्यवसायी महासंघले जनाएको छ ।

महासंघले जनाएअनुसार आइतबार नेपाली बजारमा छापावाल सुनको मुल्य प्रतितोला ९६ हजार ३ सय रुपैयाँ पुगेको छ । यसअघि शुक्रबार सुनको प्रति तोला ९५ हजार ८०० मा कारोवार भएको थियो ।

यस्तै तेजावी सुनको मूल्य ९५ हजार ८ सय ६० रुपैयाँ कायम भएको छ । यस्तै चाँदीको मूल्य १ हजार एक सय ५५ रुपैयाँ प्रतितोला कायम भएको छ ।

चाँदीको मुूल्य आज तोलामा ५ रुपैयाँले बढेको हो । कोरोनाको सङ्क्रमण बढ्दै गएपछि नै सुनको भाउ निरन्तर उकालो लागिरहेको छ । लकडाउन अघि चैत्र १० गते सुन तोलाको ७७ हजारमा कारोबार भएको थियो ।