Sansar News
११ साउन, झापा । रिर्टनी माइग्रेन्ट नेपालको उदयपुरको शाखाको तर्दथ समिति गठन गरिएको छ ।
जिल्ला सदरमुकाम गाईघाटस्थित ग्रीनसिटी होटलमा साउन ७ गते आयोजित भेलामार्फत् शाखाको विधिवत गठन गरिएको बताइएको छ ।
अन्जनी कुमार अधिकारीको संयोजकत्वमा गठित उक्त तर्दथ समितिको सहसंयोजकमा ओमराज लिम्बू, सचिवमा भुवन राई, कोषाध्यक्षमा मन्जु चौधरी एवं सदस्यहरुमा सागर ठकुरी, होम बस्नेत, गजेन्द्र बस्नेत, जीवन खड्का, वसन्तदीप लिम्बू र गोविन्द बिष्ट रहेका छन् भने सहसचिव र तीनजना सदस्य पछि थप गर्ने निर्णय गरिएको छ ।
उक्त कार्यक्रमलाई जुममार्फत रिटर्नी माइग्रेंट नेपाल केन्द्रीय कमिटी अध्यक्ष उत्तम अधिकारी र १ नम्बर प्रदेश कमिटी अध्यक्ष गोकुल थापाबाट सहजीकरण एवं मार्गदर्शन गरिएको थियो ।
वि.सं.२०७७ साउन ११ आइतवार १३:०८ मा प्रकाशित
