हामी सबैकाे संसारन्यूज

११ साउन, काठमाडौं । प्रहरी प्रधान कार्यालयमा कार्यरत ४ प्रहरीमा कोरोना संक्रमण भएको छ ।

कार्यालयको व्यवस्थापन शाखामा कार्यरत हवल्दार र सन्चार निर्देशनालयमा कार्यरत तीन प्रहरीसहित ४ जनामा कोरोना संक्रमण भएको बताइएको छ ।

उनीहरुमा कोरोना संक्रमण भएको लक्षण देखिएपछि परीक्षण गर्दा चारजनामा संक्रमण पुष्टि भएको बताइएको छ ।

श्रोतका अनुसार हवल्दारको सम्पर्कमा आएका झण्डै २० जनाको पिसीआर परीक्षणका लागि नमुना लिइएको छ भने अन्यमा पनि कोरोना संक्रमित भएको हुनसक्ने आशंका गरिएको छ ।

यस विषयमा प्रहरी प्रधान कार्यालयले स्वास्थ्य मन्त्रालयले थप प्रष्ट पार्ने समेत बताएको छ । हालसम्म देशैभरी कार्यरत ११५ जना प्रहरीमा कोरोना संक्रमण पुष्टि भएको छ । जसमा धेरैजसो निको भइसकेको पनि प्रहरीले यसअघि नै जानकारी दिएको छ ।