हामी सबैकाे संसारन्यूज

११ साउन, काठमाडौं । साताको पहिलो दिन आईतबार नेप्सेमा दोहोरो अंकको बृद्धि देखिएको छ । अघिल्लो दिनको तुलनामा परिसूचक २२.४० अंकले बढेर १४६५.११ बिन्दुमा पुगेको हो । करोबार रकममा पनि उल्लेख्य बृद्धि देखिएको छ । आज कुल १ अर्ब ९४ करोड २६ लाख ७९ हजार ३८० रुपैंयाँ बराबरको ४५ लाख ६०३ कित्ता सेयर किनबेच भएको नेप्सेले जनाएको छ ।

आज कूल सूचिकृत मध्ये १९० कम्पनीको  कारोबार हुँदा १२० कम्पनीको सूचक सकारात्मक देखिएको छ । त्यस्तै ३३ कम्पनीको सूचक ओरालो लागेको छ भने १३ कम्पनीको सूचकमा कुनै पनि परिवर्तन देखिएको छैन ।

आज सबै भन्दा धेरै राष्ट्रिय बीमा कम्पनी लिमिटे(३५५), बोटलर्स नेपाल(८४), शिखर ईन्स्योरेन्स(७०) लगायतका कम्पनीहरुका लगानीकर्ताले कमाउँदा युनिलिभर(४१२), एनआईसि एसिया ऋणपत्र(२०), एभरेष्ट बैंक (१६) लगायतका कम्पनीहरुका लगानीकर्ताहरुले गुमाएका छन ।