Sansar News
१३ साउन काठमाडौँ । विश्वव्यापी नेपाली विद्यार्थी संगठन WNSO ले दूतावासबाट भिषा फि महँगो बनाएको भन्दै सच्याउन आग्रह गरेको छ ।
वोन्सो बंगलादेश च्याप्टरद्धारा जुलाई २३ मा एक प त्र लेखि नेपालको काठमाडौँस्थित बंगलादेशी दूतावासलाई सो कुरा पुर्याइदिन ढाकास्थित नेपाली दूतावासमार्फत् आग्रह गरेको छ ।
कोरोना महामारीको कारण सयौं नेपाली विद्यार्थी बंगलादेशबाट नेपाल फर्किएको परिस्थितिमा धेरै विद्यार्थीका भिषा म्याद समाप्त भएको स्थितिका वीच दश गुणा बढि बढाएर नेपाली विद्यार्थीको ढाड सेक्ने काम गरिएकोले सो विषयमा तत्काल पुर्नविचार हुनुपर्ने माग गरेको छ ।
यसअघि एकवर्षका लागि १५ डलर र ४ वर्षका लागि ६० डलर तिर्दै आएका नेपाली विद्यार्थीलाई एकैचोटि १ वर्षका लागि २२० डलर र ४ वर्षका लागि ४४० डलर भीषा फी बढाएपछि काठमाडौँस्थित बंगलादेशी दूतावाससँग विद्यार्थीहरु दुःखी भएका हुन् । विद्यार्थीहरुले आफ्नो सो दुखेसो परराष्ट्र मन्त्रालयमा पनि जानकारी गराएको पनि वोन्सो बंगलादेशका अध्यक्ष निरज कुमार यादवले संसारन्युजलाई जानकारी दिए । 
वि.सं.२०७७ साउन १३ मंगलवार १०:३९ मा प्रकाशित
