Sansar News
१६ साउन, काठमाडौँ । १३ औ साग खेलकुदमा नेपालको तर्फबाट पहिलो स्वर्ण पदक बिजेता एवम् नेपाललाई दुई स्वर्ण पदक दिलाउन सफल सितोरियो कराँतेका उत्कृष्ट खेलाडी मण्डेकाजी श्रेष्ठलाई सम्मान गरिएको छ ।
राष्ट्रिय युवा संघ, नेपालका नेता रमेश आचार्यको प्रमुख आतिथ्यता, धादिङ जिल्ला फुटवल संघका अध्यक्ष दिपक खतिवडाको समन्वय र कर्मा कन्स्ट्रक्सनका प्रोपाइटर, गुड विल बिलदर्सका CO कराँते खेलका पुर्वराष्ट्रिय खेलाडी रबि महर्जनको व्यवस्थापनमा ललितपुरस्थित होटल भिभान्तामा एक अनौपचारिक कार्यक्रम गरी श्रेष्ठलाई सम्मानसहित पाँच लाख हस्तान्तरण गरिएको हो ।
उक्त कार्यक्रममा गजुरियो कराँतेका केन्द्रीय कोषाध्यक्ष एवम् मदन भण्डारी स्पोर्ट्स एकेडेमी धादिङका अध्यक्ष रमेश अधिकारी, नारायणी स्टीलका CEO रोशिद उनिथान र स्थानीय समाजसेवी युनश डंगोलले सहभागीता जनाएका थिए ।
वि.सं.२०७७ साउन १६ शुक्रवार १४:१९ मा प्रकाशित
