हामी सबैकाे संसारन्यूज

१९ साउन, काठमाण्डौं । सिन्धुपाल्चोकमा अविरल वर्षाका कारण गएको पहिरोले पुरिएका ८ जनाको शब निकालिएको छ ।

आइतबार राति मेलाम्ची ११ को मेलाम्ची बजारमा गएको पहिरोमा पुरिएर मृत्यु भएका ८ जनाको शब निकालिएको हो । साथै घाईते अवस्थामा उद्धार गरिएका बारु साहलाई हेलिकप्टरममार्फत् उद्धार गरेर ह्याम्स अस्पतालमा उपचारका लागि पठाईएको सिन्धुपाल्चोक जिल्ला प्रहरीका कार्यालयका प्रवक्ता तथा डिएसपी माधव काफ्लेले संसारन्युजलाई जानकारी दिएका छन् ।

काफ्लेका अनुसार पुरिएर मृत्यु भएका र घाईते सबैजना बिरगन्जका हुन् । मृत्यु भएकामा ४२ वर्षीय राजेन्द्र चौरासीया, ३५ वर्षीया प्रदीप चौरासीया,२१ वर्षीय राजेश चौधरी,२५ वर्षीय विक्रम थिङ, २३ वर्षीय मान बहादुर रुम्बा, २० वर्षीय सुमन घलान, २१ वर्षीय शिव वालक धामी र १७ वर्षीय सोनाम लामा रहेका छन् ।

उनीहरु सबैजना कर्भडहल निर्माण कार्यमा खटिएका थिए । राति उनीहरु बसेको घर पहिरोले पुरिंदा नौ मध्ये ८ जनाको मृत्यु भएको हो ।
घटनामा परेका मध्ये २ भारतीय नागरिक रहेको पनि प्रहरीले बताएको छ ।

तस्बिर: सुदीप कुमार श्रेष्ठको फेसबुकबाट