हामी सबैकाे संसारन्यूज

२० साउन, काठमाडौँ । भारतमा कोरोना भाइरसबाट संक्रमित हुनेको संख्या दैनिक ५० हजार भन्दा बढिले बढि रहेको छ । सोमबार भारतमा ५० हजार भन्दा बढि कोरोना भाइरसका नयाँ संक्रमितहरु भेटिएका छन भने संक्रमणबाट ८ सय भन्दा बढिको मृत्यु भएको छ ।

पछिल्लो २४ घण्टामा मात्रै भारतमा ५० हजार ६ सय २९ कोरोना भाइरसका नयाँ संक्रमितहरु भेटिएका छन भने संक्रमणबाट ८ सय १० जनाको मृत्यु भएको छ ।

यससँगै भारतमा कोरोना संक्रमितको संख्या १८ लाख ५५ हजार ३ सय ३१ पुगेको छ भने संक्रमणबाट मृत्यु हुनेको संख्या ३८ हजार ९ सय ७१ पुगेको छ ।
पछिल्ला ५ दिनमा मात्र भारतमा २ लाख ७० हजार भन्दा बढि कोरोना भाइरसका नयाँ संक्रमितहरु थपिएका छन भने संक्रमणबाट ३ हजार ९ सय भन्दा बढिको मृत्यु भएको छ ।

विश्वभरमा कोरोना भाइरसबाट संक्रमितहुनेको संख्या १ करोड ८४ लाख ४३ हजार ४ सय ८४ पुगेको छ भने संक्रमणबाट ६ लाख ९७ हजार १ सय ८१ जनाको मृत्यु भएको छ ।