हामी सबैकाे संसारन्यूज

२२ साउन, काठमाडौं । भारतको अहमदावादस्थित एक कोभिड १९ अस्पतालमा आगलागी हुँदा ८ जना कोरोना संक्रमितको मृत्यु भएको छ ।
अहमदावादको श्रेय कोभिड अस्पतालमा रातको ३ः३० बजे भएको आगलागीमा परि ८ संक्रमितको मृत्यु भएको हो जसमा ५ पुरुष र तीन महिला रहेको भारतीय संचारमाध्यमले जनाएका छन् ।

कोरोना संक्रमितको उपचारका लागि बनाइएको ५० शैथ्याको उक्त अस्पतालमा घटनाका क्रममा ४० देखि ४५ विरामी रहेका थिए ।
हाल उक्त अस्पताललाई शिल गरिएको छ भने अस्पतालमा उपचाररत अन्य विरामीलाई सरदार वल्लभ भाई पटेल अस्पतालमा सारिएको बताइएको छ ।

विद्युत् शर्टका कारण उक्त घटना भएको बताइएको छ । बेड नं ८ को नजिक विद्युत् शर्ट भएको र बेडमा रहेकी महिलाको कपालमा आगो लागेको उनलाई बचाउन अस्पतालका कर्मचारी आउँदा उनीहरुको पिपिई ड्रेसमा समेत आगो लागेपछि उनीहरु पनि घाईते भएका थिए ।
आगो लागेपछि अस्पतालमा भागदौड हुँदा अक्सिजन सिलिण्डर ढलेपछि त्यसैबाट आगो फैलिएको बताइएको छ ।

आइसीयुमा उपचाररत १० मध्ये ८ जनाको ज्यान गएको बताइएको छ । आइसीयुमा आगो फैलिएपछि विरामी बाहिर निस्कने मौका नपाउँदा यति ठूलो घटना घटेको बताइएको छ ।

भारतीय प्रधानमन्त्री नरेन्द्र मोदीले उक्त घटनाप्रति दुःद व्यक्त गर्दै घटनामा परि मृत्यु भएका मृतकका परिवारलाई प्रधानमन्त्री राष्ट्रिय राहतकोषबाट २-२ लाख आर्थिक सहयोग गरिने बताएका छन् ।

Saddened by the tragic hospital fire in Ahmedabad. Condolences to the bereaved families. May the injured recover soon. Spoke to CM @vijayrupanibjp Ji and Mayor @ibijalpatel Ji regarding the situation. Administration is providing all possible assistance to the affected.

— Narendra Modi (@narendramodi) August 6, 2020