हामी सबैकाे संसारन्यूज

२४ साउन, काठमाडौं। नेपालमा शनिबार (२४ साउन) सम्म पिसीआर प्रविधिबाट ४ लाख ३५ हजार २८९ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा पिसीआर प्रविधिबाट ७,८८८ वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले शनिबार आयोजित नियमित पत्रकार सम्मेलनमा जानकारी दिएका छन् ।

त्यसैगरी हालसम्म देशका विभिन्न अस्पताल तथा आइसोलेशन सेन्टरहरुमा ६,२०६ जनाको उपचार भइरहेको छ । साथै हालसम्म भारत लगायत विभिन्न देश र एक जिल्लाबाट अर्को जिल्लामा पुगेर क्वारेन्टिनमा बस्नेहरुको संख्या १० हजार ७९२ रहेको छ । यो संख्या दिनप्रतिदिन घटिरहेको छ ।

आज थपिएका ४९९ जनासँगै नेपालमा हालसम्म संक्रमितको संख्या २२ हजार ५९२ पुगेको छ भने आज निको भएर डिस्चार्ज भएसँगै नेपालमा हालसम्म १६ हजार ३१३ जना कोरोना संक्रमणबाट मुक्त भएका छन् । साथै आज ३ जनाको मृत्यु भएको पुष्टि भएसँगै हालसम्म मृतकको संख्या ७३ पुगेको छ ।

नेपालमा आज काठमाण्डौं उपत्यकाका ६२ सहित ३७८ जनामा कोरोना संक्रमण
नेपालमा आज काठमाण्डौं उपत्यकाका ६२ सहित ३७८ जनामा कोरोना संक्रमण पुष्टि भएको छ ।

मन्त्रालयका अनुसार आज सबैभन्दा बढी काठमाण्डौंमा ५६ जना, पर्सामा ५४ जना, मोरङमा ४९ जना, बाँकेमा ४९ जना, सर्लाहीमा ३५ जना, धनुषामा २० जना संक्रमित भेटिएका छन् । साथै आज ललितपुर र भक्तपुरमा ३÷३ जना संक्रमित थपिएका छन् ।

त्यसैगरी बाग्लुङमा १३, सुनसरीमा १०, बारामा ७, स्याङजामा ७, काभ्रेमा ७, मकवानपुरमा ६, कैलालीमा ४, रामेछापमा ४, रौतहट ४जना, सुर्खेत, बझाङ, कन्चनपुर र कास्कीमा ३÷३ जना, महोत्तरी, चितवन, दोलखा र धादिङमा २÷२ जना संक्रमित थपिएका छन् ।

त्यस्तै सप्तरी, पर्सा, सिन्धुली, सिन्धुली, महोत्तरी, नुवाकोट, रामेछाप, कन्चनपुर, म्याग्दी, रुकुमपश्चिम, बर्दिया र जाजरकोटमा १/१ जना गरी जम्मा ३७८ जनामा संक्रमण पुष्टि भएको छ । आज थपिएका ३७८ जनासँगै नेपालमा कोरोना संक्रमितको कूल संख्या २२ हजार ५९२ पुगेको छ ।

आजपनि ४९९ जनाले कोरोना जितेर घर फर्किए
नेपालमा आज ४९९ जनाले कोरोनालाई जितेर घर फर्किएका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशका विभिन्न अस्पताल तथा आइसोलेशनमा उपचाररत ४९९ जना संक्रमणबाट निको भएर घर फर्किएका हुन् ।  आज ४९९ जना निको भएसँगै नेपालमा कोरोना संक्रमणबाट निको हुनेको संख्या १६ हजार३१३ पुगेको छ ।

यस्तो छ डिस्चार्ज हुनेको प्रदेश विवरण
प्रदेश १ मा ९४२ जना, प्रदेश २ मा ३,३२६ जना, बाग्मति प्रदेशमा ६ सय जना, गण्डकी प्रदेशमा १,४४१ जना, प्रदेश नं ५ मा ४,१७९ जना कर्णाली प्रदेशमा १,८८७ जना र सुदूरपश्चिम प्रदेशमा ३,९३८ जना गरी हालसम्म १६ हजार ३१३ जना संक्रमणबाट मुक्त भएका हुन् ।

क्वारेन्टिनमा रहनेको प्रदेश विवरण
प्रदेश १ मा २,२४९ जना, प्रदेश २ मा १,४४३ जना, बाग्मति प्रदेशमा ९५२, गण्डकी प्रदेशमा २,८३४ जना, प्रदेश नं ५ मा १,५०४ कर्णाली प्रदेशमा ४८३ जना र सुदूरपश्चिम प्रदेशमा १,३२७ जना विभिन्न क्वारेन्टिनमा रहेका छन् ।

कोरोनाबाट आजपनि ३ जनाको मृत्यु भएको पुष्टि, मृतकको संख्या ७३ पु्ग्यो
नेपालमा आज कोरोना संक्रमणबाट ३ जनाको मृत्यु भएको छ । स्वास्थ्यमन्त्रालयका अनुसार आज मृत्यु हुनेमा काठमाण्डौं, पर्सा र मोरङका रहेका छन् ।

पर्साको वीरगन्ज महानगरपालिका वडा नं ३ छपकैयाका ७४ वर्षीय पुरुषको मृत्यु भएको छ । उनको उपचारका क्रममा साउन २३ गते दिउसो विरगन्जको गण्डक कोभिड अस्पतालमा उपचारका क्रममा मृत्यु भएको हो । उनी मधुमेह र दमको विरामी रहेको बताइएको छ ।

त्यस्तै मोरङको विराटनगर महानगरपालिका वडा नं ९ का ५८ वर्षीय पुरुषको साउन २३ गते बिहान कोशी अस्पतालमा उपचारका क्रममा मृत्यु भएको हो । उच्च रक्तचापको समस्या रहेका उनलाई निमोनिया, ज्वरो र श्वास प्रश्वासमा समस्या भएपछि केही दिनअघि सप्ताकोशी अस्पतालमा भर्ना भएका थिए । स्वास्थ्यमा थप जटिलता देखिएपछि उनलाई कोशी अस्पतालमा पुर्याइएको थियो ।

त्यस्तै कोठमाण्डौंको टोखा ६ की ४१ वर्षीया १ महिलाको साउन २३ गते बिहान पाटन अस्पताल ललितपुरमा मृत्यु भएको छ । आज मृत्यु भएको पुष्टी भएका ३ जनासँगै नेपालमा कोरोना संक्रमणबाट मृत्यु हुनेको संख्या ७३ पुगेको पनि मन्त्रालयले जनाएको छ ।

यस्तो छ हेर्नुहोस् नेपालमा साउन २३ गते सम्मको कोरोना अपडेटको पूर्ण विवरण