हामी सबैकाे संसारन्यूज

लन्डन । गैरआवासीय नेपाली संघको आयोजनामा हुने एक अन्तराष्ट्रिय वक्तृत्वकला प्रतियोगितामा बेलायतको तर्फबाट टिया आचार्यले प्रतिस्पर्धा गर्ने भएकी छन् । साउन २५, आइतवार हुने प्रतियोगितामा २७ देशका ६० जना सहभागी हुने सो प्रतिस्पर्धामा बेलायतबाट सहभागी हुने ९ वर्षीया आचार्य सबैभन्दा कान्छी प्रतियोगी हुन् ।

गैरआवासीय नेपाली संघ (एनआरएनए) एशिया प्यासिफिक क्षेत्रको युथ फोरमले आउँदो आइतबार आयोजना गर्ने विश्वव्यापी वक्तृत्वकला प्रतियोगितामा उत्साहजनक सहभागिता रहेको आयोजकले बताएको छ ।

एनआरएनए एशिया प्यासिफिक क्षेत्रीय उपसंयोजक पारशमणी पोखरेलका अनुसार १९ वर्ष मुनिका २७ देशबाट ६० जना प्रतियोगीले सहभागिताका लागि नाम दर्ता गराएका छन् ।

‘माई ड्रिम फर नेशन’ (मेरो देशको लागि सपना) शीर्षकमा आयोजना हुने सो प्रतियोगितमा पहिलो हुनेले १ लाख, दोस्रो हुनेले ६० हजार, तेस्रो हुनेले ४० हजार र चौथो हुने प्रतियोगीले ३० हजार रुपैयाँ र प्रमाणपत्र प्राप्त गर्ने छन् ।

प्रतियोगितमा १३ वर्षभन्दा तलको प्रतियोगीका लागि लिटिल मास्टरको टाइटल र एनआरएन राइजिङ स्टारले सम्मान गरिने आयोजकले जनाएको छ ।

प्रतियोगितामा अष्ट्रेलिया, बहराइन, बोस्वाना, क्यानाडा, चीन, हङकङ, आइरल्याण्ड, इटाली, जापान, केन्या, मकाउ, मलेसिया, मोरोक्को, म्यानमार, नाइजेरिया, पोर्चुगल, कतार, रसिया, साउदी अरब, सिंगापुर, कोरिया, स्पेन, थाइल्याण्ड, अमेरिका, युएई र युकेका प्रतियोगी सहभागी हुने भएका छन् ।

विदेशमा हुर्किदै गरेको नयाँ पुस्तालाई एनआरएनए अभियानमार्फत् नेपालसँग जोड्न कार्यक्रम फलदायी हुने उपसंयोजक पोखरेलको विश्वास छ ।

प्रतियोगितमा सञ्चारकर्मी समा थापा, हाँस्यकलाकार सन्दिप क्षेत्री, साहित्यकार प्रकाश सायमी र सदीक्षा श्रेष्ठ, एनआरएनए एशिया प्यासिफिक क्षेत्रीय उपसंयोजक पारसमणी पोखरेल निर्णयक मण्डलमा छन् । यस्तै कार्यक्रममा संचारकर्मीहरु भूषण दाहाल र रवि लामिछानेलाई समेत विषेश अतिथिको रुपमा आमन्त्रण गरिएको छ ।

एनआरएनए एशिया प्यासिफिक क्षेत्रको युथ फोरमका संयोजक दिपक कंडेलले प्रतियोगितको सम्पूर्ण तयारी पूरा भएको जानकारी दिए ।

प्रतियोगिता सफलताका लागि गैरआवासीय नेपाली संघका संस्थापक अध्यक्ष डा उपेन्द्र महतो, पूर्व अध्यक्षहरु जीवा लामिछाने, देवमान हिराचन, शेष घले, भवन भट्ट तथा वर्तमान अध्यक्ष कुमार पन्तले शुभकामना सन्देश पठाएका छन् ।

यस्तो छ प्रतियोगिहरुको नामावली :
१) नौलाखा उमंग – म्यानमार
२) अभिलाषा खतिवडा – म्यानमार
३ षमुएल गुरूङ – मकाउ
४) दुर्गा रंजीत कुमार क्षेत्री – मलेशिया
५) सुहिम थापा-  नाइजेरिया
६) वीनिषा थापा-  मलेशिया
७) आर्मिंडा देवकोटा – मोरक्को
८) अंशिका बस्नेत-  युगान्डा
९) हर्ष भण्डारी- बोत्सवाना
१०) पवन भण्डारी- युगान्डा
११) श्रेया बम – युगान्डा
१२) मिम्ती गुरूङ- मलेशिया
१३) सुप्रिया गिरी-  सिंगापुर
१४) टिया आचार्य – युके
१५) अक्रिश भण्डारी – केन्या
१६) पुजन खत्री-  जापान
१७) रिसव्चान्द्र आचार्य – जापान
१८) लोनिभा महर्जन – जापान
१९) संयोग आले – सिंगापुर
२०) जस्मिन सयद – साउदी अरेबिया
२१) क्रिस्टिना सिग्देल – स्पेन
२२) कृतिका रावत – बहराईन
२३) निशान्त खत्री – बहराईन
२४) ब्ष्कजब अर्याल- साउदी अरेबिया
२५) दीक्षा थापा- साउदी अरेबिया
२६) दंग तिमिल्सिना (सजना) – थाईल्याण्ड
२७) श्रेया पोखरेल – क्यानाडा
२८) गायत्री शर्मा – पोर्तुगल
२९) स्मिद गैरे – इटाली
३०) करण दाहाल – थाईल्यान्ड
३१) दिव्या धिताल – थाईल्यान्ड
३२) कुञ्जन बोहरा -अष्ट्रिया
३३) समीरा केसी- रूस
३४) बिक्रम केसी- रूस
३५) सब्यता शर्मा – क्यानाडा
३६) Shakshi Bhattarai -युएई
३७) Samaa Siddiqui – युएई
३८) सुप्रिया घिमिरे -संयुक्त राज्य अमेरिका
३९) देव ढकाल- अस्ट्रिया
४०) प्रिन्सेस पाखा
४१) निर्जला कोइराला – दक्षिण कोरिया
४२) मिशन शर्मा – स्पेन
४३) रिषी अधिकारी – युएई
४४) आइशा सिटौला- दक्षिण कोरिया
४५) रिजु पौडेल- अस्ट्रेलिया
४६) परिणीति गुप्ता -आयरल्यान्ड
४७) उन्नती गौतम -आयरल्यान्ड
४८) दिव्या ढकाल-अस्ट्रिया
४९) आयुष्मा गैरे- पोर्तुगल
५०) मानसी खरेल-पोर्तुगल
५१) जीया हमाल – कतार
५२) रोमिन गैरे-कतार
५३) युनिक भण्डारी – कतार
५४) आर्यना राई – हङकङ
५५) प्राथना थापा – चीन
५६) युजन क्षेत्री ज्ञवाली– चीन
५७) रोजी थापा – हङकङ
५८) आयुष कँडेल – क्यानाडा
५९) स्वरूप काफ्ले– आयरल्यान्ड
६०) मनिषा कँडेल– स्कटल्याण्ड