Sansar News
२५ साउन, काठमाडौँ । वीरगञ्जमा उपचार नपाएर कोरोना भाइरसबाट एक महिलाको ज्यान गएको छ ।
सामान्य ज्वरो र रुघाखोकीबाट ग्रस्त बनेकी उनलाई अस्पतालले भर्ना लिन नमाने पछि २० वर्षीया उनको मृत्यु भएको हो ।
वीरगञ्ज महानगरपालिका २ को छपकैयाकी महिलाको उपचारको लागि कुनै पनि अस्पतालले भर्ना लिन नमानेपछि शनिबार राति ज्यान गएको थियो ।
नारायणी अस्पतालमा रहेको प्रयोगशालाको परीक्षण रिपोर्टअनुसार उनमा कोरोना सङ्क्रमण पुष्टि भएको अस्पतालका मेडिकल सुपरिन्टेन्डेन्ट डाक्टर मदनकुमार उपाध्यायले बताए ।
ती महिलालाई पहिला वीरगञ्जको एडभान्स अस्पताल, तराई अस्पताल, भवानी अस्पताल, वयोधा अस्पताल, नेशनल मेडिकल कलेज शिक्षण अस्पताल लाँदा कुनै पनि अस्पतालले भर्ना गरेर उपचार गर्न नमानेको आफन्तले बताए ।
वि.सं.२०७७ साउन २५ आइतवार १४:४९ मा प्रकाशित
