Sansar News
२८ साउन, काठमाडौँ । सरकारले एक जिल्लाबाट अर्को जिल्लामा जानका लागि वितरण गर्दै आएको सबै सवारी पास वितरण बन्द गरेको छ ।
गृहमन्त्रालयले सूचना जारी गर्दै विभिन्न मितिमा जारी गर्दै आएको सवारी पास अर्को व्यवस्था नभएसम्म वितरण नगर्न नगराउन सबै जिल्ला प्रशासन कार्यालयलाई निर्देशन दिएको छ ।
कोभिड १९ को महामारी देशभर बढ्न थालेपछि संक्रमणको उच्च खोखिमलाई मध्य नजर गर्दै यस्तो निर्णय गरिएको मन्त्रालयले जनाएको छ ।
सरकारले लकडाउन खोलेसँगै कोभिड संक्रमण देशैभर बढेको छ । आज मात्र पनि काठमाण्डौं उपत्यकाका १३८ जना सहित देशभर ४८४ जनामा कोरोना संक्रमण पुष्टि भएको छ ।
वि.सं.२०७७ साउन २८ बुधवार २०:२५ मा प्रकाशित
