Sansar News
३२ साउन, काठमाडौँ । भारतमा कोरोना भाइरसको संक्रमणबाट मृत्यु हुनेको संख्या ५० हजार नाघेको छ । वल्डोमिटरका अनुसार भारतमा अहिलेसम्म कोरोना संक्रमितको संख्या २५ लाख ८९ हजार २ सय ८ पुगेको छ भने संक्रमणबाट मृत्यु हुनेको संख्या ५० हजार ८४ रहेको छ ।
पछिल्लो २४ घण्टामा ६३ हजार ९ सय ८६ नयाँ कोरोना संक्रमितहरु भेटिएका छन भने संक्रमणबाट ९ सय ५० जनाको मृत्यु भएको छ ।
विश्वभरमा कोरोना संक्रमित संख्या २ करोड १६ लाख १५ हजार ३ सय ३५ पुगेको छ भने ७ लाख ६८ हजार ९ सय ६९ जनाको मृत्यु भएको छ ।
वि.सं.२०७७ साउन ३२ आइतवार ११:०४ मा प्रकाशित
