हामी सबैकाे संसारन्यूज

३२ साउन, काठमाडौं । भर्खरै प्राथमिक कित्ता सेयर (आईपिओ) निस्कासन गरेर लघुबित्तहरुमध्ये सबैभन्दा धेरै चुक्ता पूँजी पुर्याएको एनआईसि एसिया लघुबित्त र स्वदेसि लघुबित्तको कारोबार स्थगित भएको छ ।

दुईवटै लघुबित्तमा एउटै व्यवसायीक समूहको लगानी (क्रसहोल्डिङ) भएपछि तिनिहरुलाई मर्जरमा जान दवाब परेको थियो । राष्ट्र बैंकले क्रसहोल्डिङ भएका बैंक तथा बित्तिय संस्थाहरुको पहिचान गरेर मर्जरमा जानको लागि दवाव बढाई रहेको सन्दर्भमा यी दुई बित्तियसंस्था मर्जरमा जाने तयारी थालेका हुन ।

दुबै बित्तिय संस्थाले मर्जरमा जान लागेकोले करोबार स्थगित गर्न भन्दै नेपाल स्टक एक्स्चेन्जमा आबेदन दिए पछि कारोबार स्थगित भएको हो ।

मर्जर पश्चात तिनिहरुको चुक्ता पूँजी १ अर्ब ७५ करोड पुग्ने छ भने लघुबित्त क्षेत्रकै सबैभन्दा ठूलो संस्थाको रुपमा स्थापित हुने देखिएको छ ।

हाल दोस्रो बजारमा एनआईसि एसिया लघुबित्तको प्रतिकित्ता सेयर मूल्य ७५३ रहेको छ भने स्वदेसि लघुबित्तको ८०० रुपैंयाँ रहेको छ ।