हामी सबैकाे संसारन्यूज

१ भदौ, काठमाडौंं । सोमबार सेयर बजार परिसूचक(नेप्से)मा हरियाली छाएको छ । आजको कारोबारमा परिसूचक १०.७५ अंकले बढेर १४०२.२१ बिन्दुमा पुगेको छ । ठूला कम्पनीहरुको कारोबार मापक सेन्सेटिभ पनि १.१४ अंकले बढेर २९० बिन्दु कायम भएको छ ।

आज सूचिकृत भएकामध्ये १८४ कम्पनीको कारोबार हुँदा १ अर्ब ७ करोड ४९ लाख ३२ हजार ५ सय ९७ रुपैयाँ बराबरको ३५ लाख ९१ हजार ४८ कित्ता सेयर किनबेच भएको छ भने १६ हजार ७ सय २४ पटक लेनदेन भएको छ ।

जलबिद्युत बाहेकका सबै उपसूचक समूहको परिसूचक  उकालो लाग्दा बीमा समूहले उल्लेख्य कमाएको छ । आजको कारोबारमा नीर्जिबन बीमा समूहका लगानीकर्ताले १६२.१३ अंक कमाउँदा जीवन बीमा समूहका लगानी कर्ताले १०६.२३ अंकले कमाएको छन् ।

आज कारोबार भएकामध्ये १०० कम्पनीको परिसूचक उकालो लागेको छ भने ४१ वटा कम्पनीको घटेको छ । त्यस्तै २५ कम्पनीको करोबारमा कुनै परिवर्तन नभएको नेप्सेले जनाएको छ ।