हामी सबैकाे संसारन्यूज

काठमाडौं । प्रधानमन्त्री केपी शर्मा ओलीका प्रेस सल्लाहकार सुर्य थापाले नेकपाभित्रको विवाद अन्त्यको दिशातिर गएको दाबी गरेका छन् । प्रधानमन्त्री ओलीले दिएको डेटलाईनअनुसार धेरै काम भएको उनको भनाई छ ।

पार्टीको आन्तरिक विवाद मात्रै नभई भारतसँगको सम्बन्धमा पनि नयाँ वातावरण तयार भएको थापाले बताएका छन् । मंगलबार सामाजिक सञ्जाल ट्विटरमार्फत उनले पाँच दिनको बीचमा दुई अध्यक्षबीचको संवादहीनतामा आइसब्रेक आएको, विवाद समाधानका लागि ६ सदस्यीय कार्यदल गठन भएको र सचिवालयबाट बँचुखुचेका असन्तुष्टिसमेत अन्त्य भएको बताएका छन् ।

थापाले पार्टीभित्रको आन्तरिक सम्बन्धमा मात्रै नभई छिमेक सम्बन्धमा पनि नयाँ वातावरण तयार भएको बताएका छन् । थापाले ४ महिनापछि प्रधानमन्त्री ओलीले भारतीय समकक्षीसँग छलफल गर्ने वातावरण बनेको भन्दै त्यसले नेपाल–भारत सम्बन्ध नयाँ कोर्षमा अगाडि बढेको बताए ।

नेकपाभित्रको विवाद चुलिरहेको बेला प्रधानमन्त्री केपी शर्मा ओलीले एक टेलिभिजनसँगको अन्तरवार्तामा पाँच दिनभित्र विवाद समाधान हुने डेटलाईन दिएका थिए । उनले डेटलाईन दिएको भोलीपल्ट नै दुई अध्यक्षबीच लामो समयपछि संवाद सुरु भएको थियो ।

प्रधानमन्त्री केपी शर्मा आेलीले भूषण दाहालसँग पाँच दिनमा सिनारियाे परिवर्तन हुने भन्नुभएपछि :
१) दुई अध्यक्षबीच ९ दिन लामाे संवादहीनतामा आइसब्रेक।
२) ६ सदस्यीय कार्यदल गठन ।
३) भारतीय समकक्षीसँग ४ महिनापछि अगस्ट १५ काे संवाद।
४) सचिवालयबाट बँचेखुचेका असन्तुष्टिसमेत अन्त्प ।

— Surya Thapa (@ThapajiSurya) August 18, 2020