Sansar News
२ भदौ, काठमाडौं। नेपालमा आज ८५ जनाले कोरोनालाई जितेर घर फर्किएका छन् ।
स्वास्थ्य तथा जनसंख्या मन्त्रालयका अनुसार देशका विभिन्न अस्पताल तथा आइसोलेशनमा उपचाररत ८५ जना संक्रमणबाट निको भएर घर फर्किएका हुन् ।
आज ८५ जना निको भएसँगै नेपालमा कोरोना संक्रमणबाट हालसम्म निको हुनेको संख्या १७ हजार ५८० पुगेको छ । निको हुनेको यो संख्या कुल संक्रमित मध्ये ६६ प्रतिशत रहेको मन्त्रालयले जानकारी दिएको छ ।
कुन प्रदेशमा कति निको भए त हालसम्म ?
प्रदेश १ मा १,११३ प्रदेश २ मा ३७४२ बाग्मति प्रदेशमा ७१८ गण्डकी प्रदेशमा १५५० प्रदेश नं ५ मा ४२८९ कर्णाली प्रदेशमा १९५७ र सुदूरपश्चिम प्रदेशमा ४२११ गरी हालसम्म १७ हजार ५८० जना निको भएका छन् । निको हुनेको यो संख्या ६२.२ प्रतिशत हो ।
आज १६० जनाले कोरोना जितेर घर फर्किए, निको हुनेको संख्या १७,४९५ पुग्यो
वि.सं.२०७७ भदौ २ मंगलवार १८:२६ मा प्रकाशित
