हामी सबैकाे संसारन्यूज

३ भदौ, काठमाडौं । संघीय संसद सांसद यज्ञबहादुर बोगटीलाई कोरोना संक्रमण पुष्टि भएको छ । अछाम– २ बाट निर्वाचित बोगटीलाई कोरोना संक्रमण भएको हो ।

उनी कोरोना पुष्टि हुने संघीय संसदका तेस्रा सांसद हुन्। उनले साउन ३० गते शुक्रराज ट्रपिकल तथा सरुवा रोग अस्पताल टेकुमा स्वाबको नमुना दिएका थिए । जसको रिपोर्ट मंगलबार आएको थियो ।

ललितपुरमा कोठा लिएर बसेका उनको होम आइसोलेसन बस्न मिल्ने संरचना नभएकाले कीर्तिपुरस्थित आयुर्वेद अस्पतालको आइसोलेसनमा भर्ना भएका छन्।

बोगटी साउन १७ गते अछामबाट फर्किएका थिए । उनका अनुसार साउन २५ गतेसम्म सिंहदरबारमा संसदीय समितिको बैठकहरुमा गइरहेका थिए ।