हामी सबैकाे संसारन्यूज

काठमाडौं । प्रमुख प्रतिपक्षी दल नेपाली कांग्रेसले लकडाउनमा गरिएका कमजोरी र गल्तिहरुबाट पाठ सिक्न सरकारलाई आग्रह गरेको छ । बिहिबार एक प्रेस विज्ञप्ती जारी गर्दै कांग्रेस प्रवक्ता विश्व प्रकाश शर्माले लकडाउनको बेला गरिएका कमजोरी र गल्तीहरुबाट पाठ सिकेर जारी निषेधाज्ञाको समय काम गर्न आग्रह गरेका हुन् ।

उनले लकडाउन वा निषेधाज्ञा समाधान नभएको भन्दै हल खोज्न पनि आग्रह गरेका छन् । उनले विज्ञप्तीमार्फत लकडाउनका बेलामा सरकारले प्रदर्शन गरेको विवादास्पद शैली निषेधाज्ञाको समयमा नदेखाउन पनि आग्रह गरेका छन् ।

उनले मुलुक लकडाउन भएको बेला सत्ताको द्वन्द, भ्रष्टाचार र प्रधानमन्त्रीका हलुका एंव विवादास्पष्द अभिव्यक्ति सुन्न नपरोस भनि कामना गरेका छन् ।

विज्ञप्तीमार्फत शर्माले निषेधाज्ञा लम्बिन सक्ने भन्दै प्रभावित समुदायलाई राहत दिन पनि आग्रह गरेका छन् । श्रमिक, विद्यार्थी र बेरोजगार वर्गलाई ध्यान दिन उनको आग्रह छ ।

यस्तो छ शर्माले जारी गरेको विज्ञप्ती