हामी सबैकाे संसारन्यूज

काठमाडौं । नेकपा वरिष्ठ नेता माधवकुमार नेपालका पिएसओसहित ९ जना प्रहरीमा कोरोना संक्रमण पुष्टि भएको छ।संक्रमितमध्ये सात जना सशस्त्र प्रहरी छन्।

नेपालको सचिवालयले जनाएअनुसार संक्रमित पुष्टी भएकामध्ये पिएसओ र एक जना चालक नेपाल प्रहरीका हुन् ।

पूर्वप्रधानमन्त्रीसमेत रहेका नेता नेपालको परिवारसहित सुरक्षामा खटिएका सुरक्षाकर्मीको कोरोना परीक्षण बिहिबार पिसिआर परीक्षण गरिएको थियो । जसमध्ये ९ जनामा कोरोना संक्रमण देखिएको हो ।

स्वास्थ्य विभागको टोली नेपालको घरमै गएर बिहीबार स्वाब संकलन गरेको थियो। स्वाब संकलन गरिएकामध्ये नेपाल, उनका परिवार, सहयोगी, चालक सबैको नेगेटिभ देखिएको नेपाल सचिवालयले जनाएको छ ।

संक्रमित प्रहरीहरुलाई कीर्तिपुरस्थित आइसोलेसनमा लगिएको जनाइएको छ ।