Sansar News
७ भदौ, काठमाडौं । हाल भारतको मध्य प्रदेशमा बनेको न्युन चापिय क्षेत्रको प्रभाव नेपालमा पनि रहेको छ ।
आज देशका अधिकांश भू-भागमा सामान्य अवस्था रही प्रदेश १ गण्डकी प्रदेश र कर्णाली प्रदेश तथा सुदूरपश्चिम प्रदेशका थोरै स्थानहरुमा र बाँकी प्रदेशका एक/दुई स्थानहरुमा हल्का वर्षा भइरहेको छ ।
जल तथा मौसम पूर्वानूमान महाशाखाका अनुसार प्रदेश १, बागमती प्रदेश, गण्डकी प्रदेश र कर्णाली प्रदेशका १/२ स्थानहरुमा भारी वर्षाको सम्भावना रहेको छ ।
‘उक्त स्थानहरुका नदीमा पानीको बहाव बढ्ने, पहाडी क्षेत्रमा भू-क्षय हुने, पहिरो जाने, सडक तथा हवाई यातायात प्रभावित हुने तथा ढल\पानीको राम्रो निकास नभएको ठाउँमा डुबान समेत हुन सक्ने भएकोले आवश्यक सतर्कता अपनाउन हुन अनुरोध छ ।’ महाशाखाद्धारा जारी सूचनामा भनिएको छ ।
वि.सं.२०७७ भदौ ७ आइतवार ०९:३४ मा प्रकाशित
