Sansar News
८ भदौ, काठमाडौं । नेपालमा कोरोना संक्रमणबाट आज ३ महिलासहित ८ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज मृत्यु हुनेमा सबैभन्दा बढी रुपन्देहीका रहेका छन् । आज रुपन्देहीमा ३ पुरुष र १ महिला गरी ४ जनाको मृत्यु भएको छ । साथै सुनसरी, मोरङ, पर्सा र काठमाडौंमा १/१ जनाको मृत्यु भएको हो ।
मन्त्रालयले दिएको जानकारी अनुसार आज सुनसरीका ६८ वर्षीय पुरुष, मोरङका ६५ वर्षीय पुरुष, पर्साकी ७० वर्षीया महिला, काठमाडौंकी ४८ वर्षीया महिला, रुपन्देहीकी ६७ वर्षीया महिला तथा रुपन्देहीकै ३८, ५३ र ५४ वर्षीय पुरुषको मृत्यु भएको हो । आज मृत्यु भएका ८ जनासँगै नेपालमा कोरोना संक्रमणबाट हालसम्म मृत्यु हुनेको संख्या १५७ पुगेको छ ।
कोरोना संक्रमणबाट आज २ महिलासहित ३ जनाको मृत्यु, मृतकको संख्या १४९ पुग्यो
वि.सं.२०७७ भदौ ८ सोमवार १७:०८ मा प्रकाशित
