हामी सबैकाे संसारन्यूज

१० भदौ, काठमाण्डौं । नेपालमा बुधबार ( १० भदौ ) सम्म पिसीआर प्रविधिबाट ६ लाख ३५ हजार ३५२ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा पिसीआर प्रविधिबाट १३ हजार २२५ वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बुधबार आयोजित नियमित पत्रकार सम्मेलनमा जानकारी दिएका छन् ।

त्यसैगरी हालसम्म देशैभरी संक्रिय संक्रमित १४ हजार ७३९ जना रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा ८ हजार ७११ जनाको उपचार भइरहेको छ भने होम आइसोलेशनमा ६०२८ जना रहेका छन् ।

त्यसैगरी देशैभरीका विभिन्न अस्पतालका आइसीयुमा १५१ जना र भेन्टिलेटरमा १४ जना उपचाररत रहेको पनि मन्त्रालयले जानकारी दिएको छ ।

हालसम्म भारत लगायत विभिन्न देश र एक जिल्लाबाट अर्को जिल्लामा पुगेर क्वारेन्टिनमा बस्नेहरुको संख्या ९८३२ रहेको छ । यो संख्या केहि दिन यता घट्दै गएको हो ।

आज थपिएका ८८५ जनासँगै नेपालमा हालसम्म संक्रमितको संख्या हजार ३४ हजार ४१८ पुगेको छ भने आज निको भएर ३८५ जना डिस्चार्ज भएसँगै हालसम्म १९ हजार ५०४ जना कोरोना संक्रमणबाट मुक्त भएका छन् । साथ आज थपिएका ११ जनासँगै नेपालमा हालसम्म कोरोना संक्रमणबाट मृत्यु हुनेको संख्या १७५ पुगेको छ ।

त्यसैगरी देशभरका विभिन्न अस्पतालको आइसीयुमा उपचाररत १५१ जना मध्ये प्रदेश १ मा १६, प्रदेश २ मा ४४, बागमती प्रदेशमा ७१ गण्डकी प्रदेशमा ३ र प्रदेश नं ५ मा १७ जना रहेका छन् । साथै प्रदेश नं १ मा एक जना र बागमती प्रदेशका विभिन्न भेन्टिलेटरमा तेह्र जना उपचाररत रहेका छन् ।

त्यस्तै ५०० भन्दा बढी संक्रमित उपचार रहेको जिल्ला मोरङ, पर्सा, रौतहट, सप्तरी, महोत्तरी, सर्लाही र काठमाडौं गरी ७ वटा रहेका छन् । साथै हालसम्म संक्रमित शून्य भएका जिल्लाहरु मुस्ताङ र हुम्ला रहेका छन् ।

आज काठमाडौं उपत्यकाका ३०१ सहित ८८५ जनामा कोरोना संक्रमण
नेपालमा आज काठमाडौं उपत्यकाका ३०१ जनासहित देशैभरी ८८५ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार आज काठमाडौंमा २३०, ललितपुरमा ४७ र भक्तपुरमा २४ जना संक्रमित थपिएका हुन् । पछिल्ला दिनमा उपत्यकाका तीनै जिल्लामा संक्रमितको संख्या बढ्ने क्रम जारी रहेको छ ।

मन्त्रालयका अनुसार आज प्रदेश १ को झापामा १६, खोटाङमा १,तेह्रथुममा ८, पाँचथरमा ४, मोरङमा १३ जना र सुनसरीमा ५५ जना संक्रमित थपिएका हुन् ।

प्रदेश २ को धनुषामा ४३, पर्सामा १, बारामा २४, महोत्तरीमा १८, रौतहटमा २०, सप्तरीमा १, सर्लाहीमा १२० र सिराहामा ३ जना संक्रमित थपिएका छन् ।

बागमती प्रदेशको काठमाडौंमा २३०, काभ्रेमा २१, चितवनमा ४२, दोलखामा २, धादिङमा २, भक्तपुरमा २४, मकवानपुरमा १८, रामेछापमा १, ललितपुरमा ४७, र सिन्धुपाल्चोकमा १ जनामा संक्रमण देखिएको छ ।

गण्डकी प्रदेशको कास्कीमा ४, गोर्खामा १, नवलपरसीपूर्वमा ७ र लमजुङमा २३ जना संक्रमित थपिएका छन् ।

त्यस्तै प्रदेश नं ५ को अर्घाखाँचीमा १, कपिलवस्तुमा ४, दाङमा १६, नवलपरासीमा २, प्युठानमा २२, बर्दियामा १, बाँकेमा ४, रुपन्देहीमा १९ र रोल्पामा १ जनामा संक्रमण पु्ष्टि भएको छ ।

कर्णाली प्रदेशको जाजरकोटमा १, दैलेखमा १, सल्यानमा १ र सुर्खेतमा ७ जना संक्रमित थपिएका छन् ।

सुदूरपश्चिम प्रदेशको कन्चनपुरमा २, कैलालीमा २९, डडेल्धुरामा २, डोटीमा २ र अछाममा २० जना संक्रमित थपिएसँगै आज देशैभरी ८८५ जना संक्रमित थपिएका छन् । जसमा २९९ महिला र ५८६ पुरुष रहेका छन् ।

आज थपिएका ८८५ जनासँगै नेपालमा हालसम्मको कूल संक्रमितको संख्या ३४ हजार ४१८ पुगेको छ ।

आज पनि ३८५ जनाले कोरोना जितेर घर फर्किए
नेपालमा आज ३८५ जना कोरोना संक्रमणबाट मुक्त भएर घर फर्किएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार देशका विभिन्न आइसोलेशन सेन्टरहरुमा उपचाररत ३८५ जना संक्रमणबाट मुक्त भएर डिस्चार्ज भएका हुन् । आज निको भएका २८५ जनासँगै नेपालमा कोरोना संक्रमणबाट मुक्त हुनेको संख्या १९ हजार ५०४ पुगेको छ ।

हालसम्म कुन प्रदेशमा कति निको भए त ?
प्रदेश १ मा १३५६, प्रदेश २ मा ४३१५, बागमती प्रदेशमा ९१९, गण्डकी प्रदेशमा १६५२, प्रदेश नं ५ मा ४६५१, कर्णाली प्रदेशमा २०१७ र सुदूरपश्चिम प्रदेशमा ४५९४ जना गरी हालसम्म जम्मा १९ हजार ५०४ जना निको भएका हुन् ।

यस्तो छ क्वारेन्टिनमा रहनेको संख्या
प्रदेश १ मा ८५६, प्रदेश २ मा ९६८, बागमती प्रदेशमा ९६८,गण्डकी प्रदेशमा ७६६, प्रदेश नं ५ मा २३४३, कर्णाली प्रदेशमा ११९९ र सुदूरपश्चिम प्रदेशमा ५१४ गरी जम्मा ९८३२ जना विभिन्न स्थानीय निकायका क्वारेन्टिनमा रहेका छन् ।

यस्तो छ संस्थागत तथा होम आइसोलेसनमा रहनेको संख्या
प्रदेश १ मा १२६२, प्रदेश २ मा १८८१ बागमती प्रदेशमा ३०३९ गण्डकी प्रदेशमा ३८७, प्रदेश ५ मा ७९४ कर्णाली प्रदेशमा ३५४, सुदूर पश्चिम प्रदेशमा ९९४ गरी जम्मा ८७११ संस्थागत आइसोलेशनमा उपचाररत छन् ।

होम आइसोलेसनमा रहेका ६०२८ मध्ये प्रदेश १ मा ३२२ प्रदेश २ ३६७५ बागमती प्रदेशमा १४९९, गण्डकी प्रदेशमा १८, प्रदेश ५ ४५४ कर्णाली प्रदेशमा २७ र सुदूरपश्चिम प्रदेशमा ३३ जना गरहेका छन् ।

.कोरोना संक्रमणबाट आज पनि ११ जनाको मृत्यु
नेपालमा बुधबार कोरोना संक्रमणबाट २ महिलासहित ११ जनाको मृत्यु भएको छ ।  स्वास्थ्य मन्त्रालयका अनुसार बुधबार मोरङका १, भक्तपुरका १, कैलालीका २, महोत्तरीका ३, बाँकेका १, काठमाडौंका १ र बाराका २ जना गरी ११ जनाको मृत्यु भएको हो ।

आज मृत्यु भएकामा मोरङकी ४६ वर्षीया महिला, भक्तपुरकी ५३ वर्षीया महिला, कैलालीका ४५ र ५० वर्षीय दुई पुरुष, महोत्तरीका ६०, ७२ र ७५ वर्षीय ३ पुरुष, बाँकेका ३७ वर्षीय पुरुष, काठमाडौंका ५१ वर्षीय पुरुष र बाराका ४१ र ४६ वर्षीय दुई पुरुष गरी आज जम्मा ११ जनाको मृत्यु भएको स्वास्थ्य यमन्त्रालयका प्रवक्ता डा. जागेश्वर गौतमले जानकारी दिएका छन् । आज मृत्यु भएका ११ जनासँगै नेपालमा हालसम्म कोरोना संक्रमणबाट मृत्यु हुनेको संख्या १७५ पुगेको छ ।

नेपालमा हालसम्मको कोरोना अपडेटः ३३,५३३ संक्रमित,१९,११९ निको र मृतकको संख्या १६४ पुग्यो