हामी सबैकाे संसारन्यूज

१२ भदौ, काठमाडौं । कोरोना संक्रमणबाट रुपन्देहीमा आज पनि एकजनाको मृत्यु भएको छ ।

लुम्बिनी प्रादेशिक अस्पतालअन्तर्गतको कोरोना विशेष अस्पतालमा उपचाररत रुपन्देहीको तिलोत्तमा नगरपालिका वडा नं ४ का ६० वर्षीय पुरुषको मृत्यु भएको अस्पतालले एक विज्ञपप्ति जारी गर्दै जानकारी दिएको छ ।

भदौ ७ गते संक्रमण पुष्टि भएपछि अस्पतालमा भर्ना गरिएका उनलाई उच्च रक्तचापको समस्या रहेकोले सुरु देखिनै भेन्टिलेटरमा राखेर उपचार गरिएको अस्पतालका सूचना अधिकारी डा. विष्णु गौतमद्धारा जारी विज्ञप्तिमा जनाइएको छ ।

रुपन्देहीमा बुधबार राति कपिलवस्तुका ५० वर्षीय पुरुष विहिबार बिहान तिलोत्तमा जानकी नगरकी ७० वर्षीया महिला र शुक्रबार २ः३० बजे तिलोत्तमाकै अर्का पुरुषको संक्रमणबाट मृत्यु भएसँगै रुपन्देहीमा कोरोना संक्रमणबाट मृत्यु हुनेको संख्या ८ पुगेको छ ।