Sansar News
१३ भदौ, काठमाडौं । नेपालमा आज काठमाडौं उपत्यकाका १८६ जनासहित देशैभरी ८८४ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज काठमाडौंमा १५५, ललितपुरमा १९ र भक्तपुरमा १२ जना संक्रमित थपिएका हुन् ।
मन्त्रालयका अनुसार आज प्रदेश १ को इलाममा १, झापामा २०, धनकुटामा १९, मोरङमा ३१, संखुवासभामा ३ र सुनसरीमा २४ जना संक्रमित थपिएका हुन् ।
प्रदेश २ को धनुषामा ४९, पर्सामा ७३, बारामा २१, महोत्तरीमा २६, रौतहटम ५, सप्तरीमा २, सर्लाहीमा ८३ र सिराहामा २२ जना संक्रमित थपिएका छन् ।
बागमती प्रदेशको काठमाडौंमा १५५, काभ्रेपलान्चोकमा १९, चितवनमा ५७, दोलखामा १, धादिङमा ९, भक्तपुरमा १२, ललितपुरमा १९, मकवानपुरमा ९ र सिन्धुपाल्चोकमा १ जनामा संक्रमण देखिएको छ ।
गण्डकी प्रदेशको कास्कीमा ३, नवलपरासीपूर्वमा २३ र लमजुङमा २९ संक्रमित थपिएका छन् ।
त्यस्तै प्रदेश नं ५ को कपिलवस्तुमा २, गुल्मीमा १, दाङमा १९, नवलपरासीमा १०, बाँकेमा २० र रुपन्देहीमा १६ जनामा संक्रमण पु्ष्टि भएको छ ।
कर्णाली प्रदेशको जाजरकोटमा १, जुम्लामा १,दैलेखमा १, रुकुमपश्चिममा १ र सुर्खेतमा १० जना संक्रमित थपिएका हुन् ।
सुदूरपश्चिम प्रदेशको कन्चनपुरमा १७, कैलालीमा १९, दर्चुलामा ३, बझाङम २६ र बैतडीमा २१ जना संक्रमित थपिएसँगै आज देशैभरी ८८४ जना संक्रमित थपिएका छन् । जसमा २४२ महिला र ६४२ पुरुष रहेका छन् ।
आज थपिएका ८८४ जनासँगै नेपालमा हालसम्मको कूल संक्रमितको संख्या ३७ हजार ३४० पुगेको छ ।
आज काठमाडौं उपत्यकाका ४१५ सहित ९२७ जनामा कोरोना संक्रमण, संक्रमितको संख्या ३६,४५६ पुग्यो
वि.सं.२०७७ भदौ १३ शनिवार १६:३३ मा प्रकाशित
