हामी सबैकाे संसारन्यूज

१४ भदौ, काठमाडौं । नेपालमा आज काठमाडौं उपत्यकाका ४२९ जनासहित देशैभरी १२२१ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार आज काठमाडौंमा ३७२, ललितपुरमा १२ र भक्तपुरमा ४५ जना संक्रमित थपिएका हुन् । साथै आज कर्णाली प्रदेशको विवरण उपलब्ध छैन ।

मन्त्रालयका अनुसार आज प्रदेश १ को इलाममा १, ओखलढुंगामा ४, झापामा ११, पाँचथरमा १, मोरङमा ४९, संखुवासभामा २ र सुनसरीमा ३३ जना संक्रमित थपिएका हुन् ।

त्यस्तै प्रदेश २ को धनुषामा ७५, पर्सामा ४६, बारामा ८२, महोत्तरीमा ३७, सप्तरीमा ६, सर्लाहीमा ३४ र सिराहामा २६ जना संक्रमित थपिएका छन् ।

बागमती प्रदेशको काठमाडौंमा ३७२, काभ्रेपलान्चोकमा २५,चितवनमा ९०, धादिङमा ३, भक्तपुरमा ४५ मकवानपुरमा ९, रामेछापमा १, ललितपुरमा १२, सिन्धुपाल्चोकमा २ र सिन्धुलीमा ५ जनामा संक्रमण देखिएको छ ।

गण्डकी प्रदेशको कास्कीमा कास्कीमा ५, गोरखामा ५, तनहुँमा ४, नवलपरासीपूर्वमा २ र बाग्लुङमा ३ जना संक्रमित थपिएका छन् ।

त्यस्तै प्रदेश नं ५ को अर्घाखाँचीमा ३, कपिलवस्तुमा २५, गुल्मीमा ६, दाङमा ५, नवलपरासीमा २१, पाल्पामा ८, प्युठानमा ५, बर्दियामा ६, बाँकेमा १४ र रुपन्देहीमा ६१ जनामा संक्रमण पुष्टि भएको छ ।

सुदूरपश्चिम प्रदेशको अछाममा ८, कन्चनपुरमा १, कैलालीमा ६, डोटीमा ११, दार्चुलामा २ र बझाङमा ४७ जना संक्रमित थपिएसँगै आज देशैभरी १२२१ जना संक्रमित थपिएका छन् । जसमा ३४८ महिला र ८७३ पुरुष रहेका छन् ।  आज थपिएका १२२१ जनासँगै नेपालमा हालसम्मको कूल संक्रमितको संख्या ३८ हजार ५६१ पुगेको छ ।

आज काठमाडौं उपत्यकाका १८६ सहित आज ८८४ जनामा कोरोना संक्रमण, संक्रमितको संख्या ३७,३४० पुग्यो