हामी सबैकाे संसारन्यूज

१९ भदौ, रुपन्देही । बुटवल उपमहानगरपालिकाले मिर्गौलाको डाइलोसिस गराइरहेकाहरुलाई निःशुल्क पिसीआर परीक्षण गर्ने भएको छ ।

उपमहानगरले विहिबार एक सूचना जारी गर्दै उपमहानगरभित्र बसोबास गरि हाल मिर्गौलाको डाइलोसिस गराइरहेका नगरवासीहरुका लागि निःशुल्क पिसीआर परीक्षण गरिने जानकारी दिएको हो ।

वडा कार्यालयको सिफारिस सहित डाइलोसिस सम्बन्धी आवस्यक कागजात तयार गरेर उपमहानगरले तोकेको स्थानमा पिसीआर परक्षिण गर्नका लागि स्वाव संकलन गरिने भएकोले देहाय बमोजिमका कर्मचारीहरुसँग सम्पर्क गर्न समेत उपमहानगरले नगरवासीलाई अनुरोध गरेको छ ।

स्वाव संकलनका लागि शहरी स्वास्थ्य केन्द्र बुटवल ११ बुद्धनगर र सेमनार स्वास्थ्य चौकी बुटवल १५ का लागि अधिकृत यमलाल भुसालको ९८४७०६०१४० मा सम्पर्क गर्न अनुरोध गरेको छ ।

त्यस्तै थप जानकारीका लागि अधिकृत मित्रमणि खनाललाई ९८५७०६१०१० मा सम्पर्क गर्न समेत अनुरोध गरिएको छ ।