हामी सबैकाे संसारन्यूज

१९ भदौँ, काठमाडौँ । सन्दिप लामिछाने आवद्ध टिम जमैका तलैवाजको आठौँ खेल वर्षाको कारण स्थगित भएको छ । सेन्ट किट्स एण्ड नेभिस प्याट्रियोस विरुद्धको खेल वर्षाको कारण स्थगित भएपछि दुवै टिमले १-१ अङ्क बाडेका थिए ।

आज बिहान भएको खेलमा गुयाना अमेजोन वारियर्सले बार्बडोस ट्राईडेन्सलाई ६ विकेटले पराजित गरेपछि सन्दिप आवद्ध टिम जमैका तलैवाज २ खेल बाँकी रहदैँ सेमिफाइनलमा प्रवेश गरेको हो ।

सिपिएलमा बार्बडोस ट्राईडेन्स र सेन्ट किट्स एण्ड नेभिस प्याट्रियोस प्रतियोगिताबाट बाहिरिएका छन ।

सन्दिप आवद्ध टिम जमैका तलैवाज ८ खेलमा ७ अङ्क सहित अङ्कतालिकाको चौथो स्थानमा रहेको छ । त्यसैगरि ट्रिनबागो नाइट राइडर्स १६ अङ्क सहित पहिलो स्थानमा रहेका छ भने गुयाना अमेजोन वारियर्स १२ अङ्क सहित दोस्रो र सेन्ट लुसिया जुउक्स १० अङ्क सहित तेस्रो स्थानमा रहेको छ ।

नेपाली युवा लेग स्पिनर सन्दिप लामिछानेले यस सिपिएल सिजनमा ८ खेल खेल्दैँ विकेट १० निकालेका छन । उनी यस वर्षको सिपिएलमा सर्वाधिक विकेट लिने खेलाडीको सूचिमा छैठौं स्थानमा रहेका छन ।