हामी सबैकाे संसारन्यूज

१९ भदौ, काठमाडौं । राष्ट्रिय आविस्कार केन्द्रका प्रमुख महाविर पुनले सहीद गंगालाल हृदयकेन्द्रको विग्रिएका ७ वटा भेन्टिलेटर मर्मत गरिदिएका छन् ।
विश्वव्यापी रुपमा फैलिएको कोरोना भाइरस र त्यसको संक्रमण नेपालमा पनि फैलिरहेका बेला डाक्टर, नर्स, एम्बुलेन्स चालकहरुको सुरक्षाका लागि निःशुल्क रुपमा पिपिइ ड्रेस वितरण गरिरहेका डा. महाविर पुनले भेन्टिलेटर मर्मत गरिदिएर अर्को उदाहरणीय काम गरेका छन् ।

शुक्रबार बिहानै सामाजिक संजालमा लेख्दै पुनले ७ वटा भेन्टिलेटर अस्पतालमै रहेको पाटपूर्जा प्रयोग गरेर मर्मत गरिदिएर चल्ने बनाएको र त्यो बनाउन लाग्ने झण्डै १ करोड रुपैयाँ खर्च हुनबाट बचाएको भन्दै लेखेका छन् ‘ यसरी झण्डै १ करोड रुपैयाँ जति बच्यो नि त, सबैले सकिन्छ भने नयाँ भेन्टिलेटरहरु अन्य मेडिकलका समानहरु प्नि किन्नुहोस् तर पुरानालाई सकेसम्म मर्मत गरिदिनुहोस् ।’

डा. पुनले लेखेका छन्
शहिद गंगालाल मुटु अस्पतालको ७ वटा बिग्रेका भेन्टिलेटहरु राष्ट्रिय आविष्कार केन्द्रका स्वयमसेवकहरुले मर्मत गरि राम्रो संग चल्ने बनाए । ति भेन्टिलेटहरु बनाउनको लागी चाहिने साधारण पार्टपुर्जाहरु त्यहि अस्पतालमा नै रहेछन । यसरी ७ वटा भेन्टिलेटर बनाउनको लागि एक पैसा पनि खर्च भएन । ६ जना भाईहरुको ४ दिनको मिहिनेत मात्र खर्च भयो ।

यस्तै कामको लागि भनेर मैले हिजो भारतमा बस्ने नेपालीहरुलाई भेन्टिलेटरको केहि पार्टपुर्जाहरु किनेर पठाई दिन अनुरोध गरेको थिएँ । सित्तैमा मागेको चाहिं होइन । हाम्रो अनुभव अनुसार एउटा बिग्रेको भेन्टिलेटर बनाउन १० हजार रुपैंया देखि ५० हजार रुपैंया सम्मको पाटटपुर्जाहरु फेर्यो भने काम गर्दो रहेछ अथवा अलि कति मर्मत सम्भार गरियो भने हुँदो रहेछ । यसरी अलिकति पैसा खर्च गरेर १५ लाख, २० लाख रुपैंया पर्ने भेन्टिलेटहरु बन्छन् भने किन नबनाउने ??? यसको लागी मदत चाहिन्छ भने राष्ट्रिय आविष्कार केन्द्रले सकेसम्म मदत गर्छ । सम्पर्क -9841592361

https://www.facebook.com/mahabir.pun/posts/10158687366525479