Sansar News
२१ भदौँ, काठमाडौँ । भारतमा कोरोना भाइरसको संक्रमणबाट मृत्यु हुनेको संख्या ७० हजार नाघेको छ । शनिबार भारतमा ९० हजार ६०० नयाँ कोरोना संक्रमितहरु थपिएका छन भने संक्रमणबाट १ हजार ४४ जनाको मृत्यु भएको छ ।
यससँगै भारतमा कोरोना भाइरसबाट संक्रमितहुनेको संख्या ४१ लाख १३ हजार ८ सय ११ पुगेको छ भने संक्रमणबाट मृत्यु हुनेको संख्या ७० हजार ६ सय ७९ रहेको छ ।
विश्वभरमा कोरोना संक्रमित संख्या २ करोड ७० लाख ६५ हजार ७ सय ८९ पुगेको छ भने ८ लाख ८३ हजार ७ सय ४२ जनाको मृत्यु भएको छ ।
वि.सं.२०७७ भदौ २१ आइतवार ०९:५९ मा प्रकाशित
