हामी सबैकाे संसारन्यूज

काठमाडौं । चौधरी गुप्रको बर्दियास्थित चाउचाउ उद्योगमा कार्यरत ४२ कर्मचारीमा कोरोना संक्रमण देखिएको छ । स्वास्थ्य कार्यालय बर्दियाका प्रमुख गोकर्ण गिरीका अनुसार बर्दियाको बाँसगढीमा रहेको सिजी फुड कम्पनीमा कार्यरत ४२ कर्मचारीमा कोरोना देखिएको हो ।

आइतबार मात्रै बर्दियामा ४३ जनामा कोरोना संक्रमण देखिएको थियो । जसमध्ये ४२ संक्रमित चाउचाउ उद्योगका कर्मचारी छन् । स्वास्थ्य कार्यालयका अनुसार संक्रमण पुष्टि भएकामा २९ जना महिला मात्र रहेका छन् ।

यसअघि सोही कम्पनीमा कार्यरत दुई जनामा कोरोना संक्रमण पुष्टि भएपछि उनीहरुको सम्पर्कमा आएकाहरुको कन्याक्ट टेर्सिङ गर्दा यति धेरैजनामा संक्रमण देखिएको स्वास्थ्य कार्यालयले जनाएको छ ।

एकैदिन धेरैजनामा संक्रमण पुष्टि भएपछि कोभिड १९ संकट व्यवस्थापन समितिको वैठक बसिरहेको र बाँसगढी नगरपालिका सिल गर्ने तयारी भैरहेको उनले जानकारी दिए ।