Sansar News
२१ भदौं, काठमाण्डौं । नेपालमा आज अहिलेसम्मकै सबैभन्दा बढी कोरोना संक्रमित निको भएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये १८१४ जना संक्रमणबाट मुक्त भएर डिस्चार्ज भएका हुन् । आज निको भएका १८१४ जनासँगै नेपालमा कोरोना संक्रमणबाट मुक्त हुनेको संख्या २८ हजार ९४१ पुगेको छ ।
हालसम्म कुन प्रदेशमा कति निको भए त ?
प्रदेश १ मा २४५८, प्रदेश २ मा ८१२७, बागमती प्रदेशमा ३,६५९, गण्डकी प्रदेशमा १८०५, प्रदेश नं ५ मा ५,३५३, कर्णाली प्रदेशमा २,२७९र सुदूरपश्चिम प्रदेशमा ५,२५८ जना गरी हालसम्म जम्मा २८ हजार ९४१ जना निको भएका हुन् ।
मन्त्रालयका अनुसार निको हुनेको यो संख्या ६३ प्रतिशत हो ।
आज पनि १५६६ जनाले कोरोना जितेर घर फर्किए, निको हुनेको संख्या २७,१२७ पुग्यो
वि.सं.२०७७ भदौ २१ आइतवार १७:४८ मा प्रकाशित
