हामी सबैकाे संसारन्यूज

२३ भदौ, काठमाडौं । हाल मनसुनको न्युन चापीय रेखा औसत भन्दा माथि र नेपाल भन्दा दक्षिणतर्फ अवस्थित रहेको तथा स्थानिय वायुको पनि प्रभाव रहेको छ ।

हाल देशका अधिकांश स्थानमा सामान्य बदली भइ प्रदेश १, प्रदेश २, बाग्मती प्रदेश, गण्डकी प्रदेश र प्रदेश ५ का केहि स्थानहरुमा हल्का देखि मध्यम वर्षा भईरहेको छ ।

आज दिउँसो देशभर सामान्यतया बदली रहि केहि स्थानहरूमा मेघगर्जन\चट्याङ्ग सहित हल्का देखि मध्यम वर्षाको सम्भावना रहेको छ ।

त्यस्तै आज प्रदेश १, प्रदेश २, बाग्मती प्रदेश, गण्डकी प्रदेश तथा प्रदेश नं ५ का एक वा दुई स्थानमा भारी वर्षाको सम्भावना रहेकोले आवस्यक शतर्कता अपनाउन पनि मौसम पूर्वानुमान महाशाखाले जनाएको छ ।

आज कोशी र नारायणी जलाधारका केहि स-साना सहायक नदीमा बहाब बढ्ने र केहीमा आकस्मिक बहाब भई सतर्कता आसपास पुग्न सक्ने छ । साथै आज कन्काई, कमला, बागमतीका स-साना नदीजलाधारमा बहाब बढ्ने र केहीमा सतर्कता आसपास पुग्न सक्ने, तटिय क्षेत्रमा उच्च सतर्कता अपनाउन पनि महाशाखाले अनुरोध गरेको छ ।