Sansar News
२३ भदौ, काठमाडौं । कोरोना संक्रमणबाट पोखराकी एक महिलाको मृत्यु भएको छ ।
पोखरा स्वास्थ्य विज्ञान प्रतिष्ठान, पश्चिमान्चल क्षेत्रीय अस्पताल अन्तर्गत कोभिड १९ उपचार केन्द्रमा उपचाररत पोखरा महानगरपालिका वडा नं १० की ७३ वर्षीया महिलाको मंगलबार दिउँसो ३ः५० मा मृत्यु भएको अस्पतालले जनाएको छ ।
कोरोना संक्रमण तथा COPD भई सोमबार अस्पतालको आइसीयुमा भर्ना भइ उपचार गराएकी उनको मंगलबार दिउँसो मृत्यु भएको अस्पतालले जानकारी दिएको छ ।
अस्पतालका अनुसार कोरोना संक्रमणपछि उक्त अस्पतालमा उपचारका क्रममा ज्यान गुमाउनेको संख्या नौ पुगेको पनि अस्पतालका सह प्रा.डा अर्जुन आचार्यले जानकारी दिएका छन् ।
कोरोना संक्रमणबाट नेपालमा आज ६ जनाको मृत्यु, मृतकको संख्या ३०६ पुग्यो
वि.सं.२०७७ भदौ २३ मंगलवार १९:२१ मा प्रकाशित
