हामी सबैकाे संसारन्यूज

२४ भदौं, काठमाण्डौं । नेपालमा बुधबार (२४ भदौ) सम्म पिसीआर प्रविधिबाट ७ लाख ९९ हजार ३४१ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा पिसीआर प्रविधिबाट ११,६७० वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले बुधबार आयोजित नियमित पत्रकार सम्मेलनमा जानकारी दिएका छन् ।

त्यसैगरी हालसम्म देशैभरी संक्रिय संक्रमित १५ हजार २५ जना रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा ७,९८८ जनाको उपचार भइरहेको छ । साथै होम आइसोलेसनमा बस्नेको संख्या ७,०३७ रहेको छ ।

त्यस्तै देशभरका विभिन्न अस्पतालको आइसीयुमा १६२ जना संक्रमित उपचाररत छन् ।

मन्त्रालयका अनुसार प्रदेश १ मा ५, प्रदेश २ मा २४, बागमती प्रदेशमा १०१, गण्डकी प्रदेशमा ५, प्रदेश नं ५ मा २०, कर्णाली प्रदेशमा ६ र सुदुरपश्चिम प्रदेशमा १ जना गरी जम्मा १६२ जना आइसीयुमा उपचाररत छन् ।

त्यसैगरी बागमती प्रदेशमा २१ र प्रदेश ५ मा १ जना गरी जम्मा २२ जना भेन्टिलेटरमा उपचाररत छन् ।

त्यस्तै ५०० भन्दा बढी संक्रमित उपचार रहेको जिल्ला सुनसरी, सर्लाही, काठमाडौं, चितवन, भक्तपुर, ललितपुर र रुपन्देही गरी ७ वटा रहेका छन् । साथै हालसम्म संक्रमित शून्य भएका जिल्लाहरु ५ पुगेका छन् । जसमा मनाङ, मुस्ताङ, मुगु, डोल्पा र हुम्ला रहेका छन् ।

त्यस्तै आज थपिएका १०८१ जनासँगै नेपालमा हालसम्मको कूल संक्रमितको संख्या ४९ हजार २१९ पुगेको छ । साथै आज ९१८ जना निको भएसँगै नेपालमा हालसम्म कोरोना संक्रमणबाट मुक्त हुनेको संख्या ३३ हजार ८८२ पुगेको छ । कोरोना संक्रमणबाट मुक्त हुनेको यो संख्या ६८.८ रहेको मन्त्रालयले जनाएको छ ।

आज ६ जना थपिएसँगै नेपालमा हालसम्म कोरोना संक्रमणबाट ज्यान गुमाउनेको संख्या ३१२ पुगेको छ ।

आज काठमाडौं उपत्यकाका ४६४ सहित १०८१ जनामा कोरोना संक्रमण
नेपालमा आज काठमाडौं उपत्यकाका ४६४ जनासहित देशैभरी १०८१ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार आज काठमाडौंमा ३९४, ललितपुरमा ३४ र भक्तपुरमा ३६ जना संक्रमित थपिएका हुन् ।

मन्त्रालयका अनुसार आज प्रदेश १ को उदयपुरमा १, ओखलढुंगामा ३, खोटाङमा २, झापामा ६, ताप्लेजुङमा १, धनकुटामा ९, भोजपुरमा ५, मोरङमा ७७ र सुनसरीमा ५६ जना संक्रमित थपिएका हुन् ।

प्रदेश २ को धनुषामा ३, पर्सामा ६, बारामा १७, महोत्तरीमा २, रौतहटमा ७०, सप्तरीमा २६, सर्लाहीमा ६ र सिराहामा ८१ जना संक्रमित थपिएका छन् ।

बागमती प्रदेशको काठमाडौंमा ३९४, काभ्रेपलान्चोकमा ८, चितवनमा २१, दोलखामा ३, धादिङमा २, नुवाकोटमा ४, भक्तपुरमा ३६, मकवानपुरमा ४२, रामेछापमा ३, ललितपुरमा ३४, सिन्धुपाल्चोकमा ३ र सिन्धुलप्मा १ जनामा संक्रमण देखिएको छ ।

गण्डकी प्रदेशको कास्कीमा १०, गोरखामा१, तनहुमा ४, नवलपरासीपूर्वमा १, पर्वतमा १, लमजुङमा ३, वागलुङमा २ र स्याङजामा १ जना संक्रमित थपिएका छन् ।

त्यस्तै प्रदेश नं ५ को कपिलवस्तुमा ११, गुल्मीमा २, दाङमा १, नवलपरासीमा १२, पाल्पामा २, बर्दियामा १३, बाँकेमा २२ र रुपन्देशीमा ४२ जनामा संक्रमण पुष्टि भएको छ ।

कर्णाली प्रदेशको जाजरकोटमा १, दैलेखमा २ र सुर्खेतमा २२ जना तथा सुदूरपश्चिम प्रदेशको दार्चुलामा ३ र बझाङमा २ जना संक्रमित थपिएसँगै आज देशैभरी १०८१ जना संक्रमित थपिएका छन् । जसमा महिला ३३८ र पुरुष ७४३ जना रहेका छन् ।

आज थपिएका १०८१ जनासँगै नेपालमा हालसम्मको कूल संक्रमितको संख्या ४९ हजार २१९ पुगेको छ ।

आज कोरोना संक्रमणबाट मुक्त भएर ९१८ जना डिस्चार्ज
नेपालमा आज ९१८ जनाले कोरोना संक्रमणलाई जितेर घर फर्किएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये ९१८ जना संक्रमणबाट मुक्त भएका हुन् । आज निको भएका ९१८ जनासँगै नेपालमा कोरोना संक्रमणबाट मुक्त हुनेको संख्या ३३ हजार ८८२ पुगेको छ ।

हालसम्म कुन प्रदेशमा कति निको भए त ?
प्रदेश १ मा ३११३, प्रदेश २ मा ९७१३, बागमती प्रदेशमा५,०९७ गण्डकी प्रदेशमा २०३८ प्रदेश नं ५ मा ५,९१९, कर्णाली प्रदेशमा २४१० र सुदूरपश्चिम प्रदेशमा ५,५९२ जना गरी हालसम्म जम्मा ३३ हजार ८८२ जना संक्रमणबाट निको भएका हुन् ।

यस्तो छ क्वारेन्टिनमा रहनेको संख्या
प्रदेश १ मा ९८४, प्रदेश २ मा ५७४, बागमती प्रदेशमा ४८६, गण्डकी प्रदेशमा ५९४, प्रदेश नं ५ मा १०९३, कर्णाली प्रदेशमा ५५९ र सुदूरपश्चिम प्रदेशमा ११९० जना गरी हालसम्म जम्मा ५४८० जना विभिन्न स्थानीय निकायका क्वारेन्टिनमा रहेका छन् । यो संख्या दिनप्रतिदिन घटिरहेको छ ।

यस्तो छ संस्थागत तथा होम आइसोलेसनमा रहनेको संख्या
प्रदेश अनुसार संस्थागत आइसोलेशनमा रहनेमा प्रदेश १ मा ५०५, प्रदेश २ मा ३७४, बागमती प्रदेशमा ४७७२, गण्डकी प्रदेशमा ७३३, प्रदेश नं ५ मा ७१३, कर्णाली प्रदेशमा २७५ र सुदूरपश्चिम प्रदेशमा ६१६ जना गरी हालसम्म जम्मा ७,९८८ जना संस्थागत आइसोेलेसनमा रहेका छन् ।

त्यस्तै होम आइसोलेसनमा बस्नेहरुमा प्रदेश १ मा ८६२, प्रदेश २ मा २५००, बागमती प्रदेशमा २४६६, गण्डकी प्रदेशमा १००, प्रदेश नं ५ मा ८९५, कर्णाली प्रदेशमा ८४ र सुदूरपश्चिम प्रदेशमा १३० जना गरी ७,०३७ जना रहेका छन् ।

कोरोना संक्रमणबाट नेपालमा आज पनि ६ जनाको मृत्यु
नेपालमा आज पनि कोरोना संक्रमणबाट ६ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज ५ जिल्लाका ६ जनाको मृत्यु भएको छ । जसमा ३ महिला र ३ पुरुष गरी ६ जना रहेका छन् ।

मन्त्रालयका अनुसार आज काठमाडौंका ८३ वर्षीया, कास्कीकी ७३ वर्षीया र बाँकेकी ८० वर्षीया महिला तथा काठमाण्डौंका ६७ वर्षीय, अर्घाखाँचीका ४२ वर्षीय र नवलपरासीका ६४ वर्षीय पुरुषको मृत्यु भएको हो । पछिल्लो २४ घण्टामा मृत्यु भएका ६ जनासँगै नेपालमा कोरोना संक्रमणबाट ज्यान गुमाउनेको संख्या ३१२ पुगेको छ ।

हेर्नुहोस् यस्तो छ नेपालमा भदौ २३ गतेसम्मको कोरोना अपडेटको पूर्ण विवरण