Sansar News
२८ भदौ, काठमाडौं । नेपालमा कोरोना संक्रमणबाट आज ९ जनाको मृत्यु भएको छ । मृत्यु हुनेमा काठमाडौंका ६ जनासहित ९ जनाको मृत्यु भएको हो । जसमा ४ जिल्लाका ३ महिला र ६ पुरुष गरी ९ जना रहेका छन् ।
मृत्यु हुनेमा काठमाडौंका ६५ वर्षीया २ महिला र कास्कीकी ४५ वर्षीया महिला तथा मोरङका ६९ वर्षीय, काठमाडौंका ५९, ७०, ६४ र ५९ वर्षीय ४ जना र सिन्धुपाल्चोकका ५९ वर्षीय पुरुष रहेका छन् ।
आज थपिएका ९ जनासँगै नेपालमा कोरोना संक्रमणबाट मृत्यु हुनेको संख्या ३४५ पुगेको छ । कूल संक्रमित मध्ये मृत्यु हुनेको यो संख्या ६४ प्रतिशत रहेको स्वास्थ्य तथा जनसंख्या मन्त्रालयले जनाएको छ ।
फेरि बढ्न थाल्यो कोरोना संक्रमणबाट मृत्यु हुनेको संख्या, आज पनि १४ जनाको मृत्यु
वि.सं.२०७७ भदौ २८ आइतवार १७:२९ मा प्रकाशित
