हामी सबैकाे संसारन्यूज

४ असोज, काठमाडौं । सत्तारुढ नेपाल कम्युनिष्ट पार्टी (नेकपा) को सचिवालय बैठक आज बस्दै छ ।

सचिवालय बैठक पहिलो पटक पार्टीको अर्को कार्यालय पेरिसडाँडामा आज बस्ने भएको हो । गत शुक्रबारै बस्ने भनिएको बैठक स्थगित गरि आजलाई सारिएको थियो ।

यसअघि धुम्बाराहीस्थित केन्द्रीय कार्यालय र प्रधानमन्त्री निवास बालुवाटारमा बस्दै आएको सचिवालय बैठक नेकपा अध्यक्ष पुष्पकमल दाहाल ‘प्रचण्ड’ दले कार्यकारी अध्यक्षको अधिकार प्रयोग गर्न पाएपछि पूर्वमाओवादी केन्द्रको पार्टी कार्यालय रहेको कोटेश्वरस्थित पेरिसडाँडामा बस्न लागेको हो ।

बालुवाटारमा बसेको २६ भदौको स्थायी कमिटी बैठकले प्रधानमन्त्रीसमेत रहेका पार्टी अध्यक्ष केपी शर्मा ओली र कार्यकारी अध्यक्ष प्रचण्डको कार्यविभाजन तथा कार्याधिकार स्पष्ट पारेको पारेको थियो ।

पहिलोपटक दुई अध्यक्षबीच स्पष्ट कार्यविभाजन र कार्याधिकार तय भएपछिको यो पहिलो सचिवालय बैठक भएकाले यसलाई विशेष चासोका रुपमा हेरिएको छ ।

आजको सचिवालय बैठकमा भदौ २६ गतेको नेकपा स्थायी समिति बैठकले गरेका निर्णयहरुको कार्यान्वयन पक्षबारे छलफल हुने जनाइएको छ । त्यस्तै बैठकले पार्टीभित्र स्थायी कमिटीका निर्णय कार्यान्वयन गराउन उपयुक्त मापदण्ड बनाउने, मन्त्रीपरिषद् पुर्नगठन लगायत पार्टीको सांगठानिक बाँकी काम बारे छलफल हुने बताइएको छ ।

फाइल तस्विर