Sansar News
५ असोज, काठमाण्डौं । नेपालमा पछिल्लो २४ घण्टामा कोरोना संक्रमणबाट १६ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज ११ जिल्लाका १६ जनाको मृत्यु भएको छ । मृत्यु हुनेमा ३ महिला र १३ पुरुष रहेका छन् ।
मन्त्रालयका अनुसार आज मकवानपुरकी १७ वर्षीया, ललितपुरकी ५८ वर्षीया र दोलखाकी ५२ वर्षीया गरी ३ महिलाको कोरोना संक्रमणबाट मृत्यु भएको हो ।
त्यस्तै झापाका ७२ वर्षीय, सुनसरीका ४९ वर्षीय, पर्साका ८८ वर्षीय, भक्तपुरका ८४ वर्षीय, काठमाडौंका ५८ र ७३ वर्षीय, मकवानपुरका ६८ वर्षीय, ललितपुरका ६१ वर्षीय, चितवनका ५५ वर्षीय, रुपन्देहीका ६७ वर्षीय, बाँकेका ५० र ५९ वर्षीय गरी १३ पुरुषको मृत्यु भएको पनि मन्त्रालयले जनाएको छ । आज थपिएका १६ जनासँगै नेपालमा कोरोना संक्रमणबाट ज्यान गुमाउनेको संख्या ४२७ पुगेको छ ।
file -photo
आज उपत्यकाका ६ जनासहित १० जनाको कोरोना संक्रमणबाट मृत्यु, मृतकको संख्या ४११ पुग्यो
वि.सं.२०७७ असोज ५ सोमवार १७:२१ मा प्रकाशित
