हामी सबैकाे संसारन्यूज

९ असोज, काठमाडौं । हाल कर्णाली प्रदेश र सुदूर-पश्चिम प्रदेशमा आंशिक बदली र वाँकी प्रदेशमा सामान्य बदली रही प्रदेश न १ प्रदेश न २ बागमती प्रदेश, गण्डकी प्रदेश र प्रदेश नं ५ का केही स्थानहरुमा हल्का वर्षा भईरहेको छ ।

त्यस्तै आज पनि देशभर सामान्य बदली रही केही स्थानहरूमा मेघगर्जन\चट्याङ्ग सहित हल्कादेखि मध्यम वर्षाको सम्भावना रहेको छ ।
आज प्रदेश नं १ र प्रदेश नं २ का थोरै स्थान तथा बागमती प्रदेश र गण्डकी प्रदेशको एक दुइ स्थानमा भारी वर्षाको सम्भावना रहेकोले ती स्थानहरुका नदीमा पानीको बहाव बढ्ने, पहाडी क्षेत्रमा पहिरो जाने, सडक तथा हवाई यातायात प्रभावित हुन सक्ने भएकोले आवश्यक सतर्कता अपनाउन पनि मौसम तथा पूर्वानुमान महाशाखाले जनाएको छ ।

त्यस्तै आज कोशी, कर्णाली, महाकाली, पश्चिम राप्ती, बबई, कन्काईमा बहाव घट्दो र सतर्कता तलै हुने तथा नारायणी, कमला, बागमती र तिनाउमा बहाव केहि घटबढ हुने र सतर्कता आसपास हुने पनि बाढी पूर्वानुमान महाशाखाले जनाएको छ ।

महाशाखाका अनुसार आज प्रदेश १ र २ को चुरे, तराईबाट बहने साना नदीमा आकस्मिक बहाव हुन सक्ने सम्भावना रहेको छ ।