Sansar News
१८ असोज, काठमाण्डौं । नेपालमा आज पनि कोरोना संक्रमणबाट ७ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज ६ जिल्लाका ७ जनाको मृत्यु भएको छ । जसमा ४ जना महिला र ३ जना पुरुष रहेका छन् ।
मन्त्रालयका अनुसार आज चितवनकी ५५ वर्षीया, मकवानपुरकी ५ दिने बालिका, बाँकेकी २५ वर्षीया, र कन्चनपुरकी २९ वर्षीया सहित १ बालिकासहित ४ जनाको मृत्यु भएको हो ।
काठमाडौंका ५५ वर्षीय, ललितपुरका ७७ वर्षीय र बाँकेका ६० वर्षीय सहित ३ पुरुषको मृत्यु भएको हो । आज थपिएका ७ जनासँगै नेपालमा कोरोना संक्रमणबाट ज्यान गुमाउनेको संख्या ५३५ पुगेको छ ।
कोरोना संक्रमणबाट आज ८ जनाको मृत्यु, मृतकको संख्या ५२८ पुग्यो
वि.सं.२०७७ असोज १८ आइतवार १७:०८ मा प्रकाशित
