हामी सबैकाे संसारन्यूज

विजय थापा, अमेरिका । अमेरिकाको भर्जिनिया राज्यको मेकानिक्सभिलमा बसोबास गर्ने ३० बर्षिय नेपाली चेली रिना जादव (श्रेष्ठ) को हत्या भएको समाचार छ ।
उनी मृत अवस्थामा फेला पर्दा उनका पतिको कपडाले बेरिएको प्रहरीले प्राप्त गरेको छ । र उनलाई भुत्ते हतियारद्वारा बलपूर्वक हिर्काएर मारिएको ठहर चिकित्सा अनुसन्धान परिक्षण अधिकारीले गरेका छन ।

हानोभर काउन्टी प्रहरी अधिकृत अनुसार उनलाई मारिएको भोलि पल्ट आफु बस्ने घर नजिकै बारीमा उनको शब फेला पारेको थियो । उनको पति हर्षद कुमार जादव लाई पत्नीको हत्या गरेको अभियोगमा पकाउ गरेर मुद्धा चलाईएको छ ।
भारतीय मूलका ३३ बर्षिय सुसंख्या विश्लेषक (कम्पुटर प्रोग्रामर) लाई जब आफ्नै घरमा पक्राउ गरियो उनको साथमा १० हजार डलर नगद तथा राहदानी समेत प्राप्त भएको अदालतमा वादीले बताएका थिए ।

आरोपी जादव भाग्ने शुरमा हुन सक्ने बताएता पनि उनका वकिलले त्यो कानुनी परामर्शको लागि उनले रकम ल्याएको तर्क गरेका छन । जादवले धरौटीमा छुट्न पाउ भन्दै दिएको निबेदनलाई अदालतले अस्विकार गरेकोमा बहिनीले न्या पाउनेमा मृतक रिनाको दाजु गौरब श्रेष्ठ ढुक्क भएको बताएका छन् । उनले सिविएस ६ लाई बिधुतिय डाक (इमेल) मार्फत जानकारी दिएको डब्लुटिभीआर डट कममा समाचार छ ।
दाजु गौरब श्रेष्ठले रिनाले न्याय पाउने छिन् भन्ने कुरामा समेत आशाबादी रहेको उक्त पत्रिकामा दिएको अन्तर्वार्तामा लेखेको छ । उनले ३० बर्षसम्म संगै बसेकी आफ्नी बहिनीको हरेक कुरा सम्झना रहेको र झल्झली याद आउने उनले बताएका थिए ।

छिमेकिहरुले दिएको बयान अनुसार हत्या हुने दिन राति ११ बजे तिर चिच्याएको आवाज सुनिएको थियो । हत्या भएको अर्कोूदिन बिहान ५ बजेर ४३ मिनेटमा रिनाको लाश हानओभर काउन्टी प्रहरी कार्यालयले फेला परेको थियो । मृतक रिना र आरोपी उनका पति हर्षद कुमार जादव अर्कार्ड मिडो सडकको १० हजार १ सय भवनमा बस्दथे ।

रिनाको बिबाह भएको ४ बर्ष पुगिसकेको भएपनि सन्तान नभएको उनका दाजुले जानकारी दिएका छन । अमेरिकाको श्रम दिवसको दिन बिहान रिनाको शव नजिक सवारी साधनको गाडीको बत्ती बलिरहेको र चालक तर्फको ढोका पनि खुला पाईएको थियो । हानओभर काउन्टी सर्कुट अदालतबाट गिरफ्तारी अधिकार लिदै प्रहरीले रिनाको पतिको घरमा छापा मारेको थियो ।

दाजु गौरबका अनुसार आफ्नी बैहिनी निकै प्रतिभाशाली कलाकार समेत थिइन् ।श्रोतका अनुसार रिना चित्रकला बनाउन रमाउने र बासुरी समेत बजाउने गर्थिन । रिनाले बैंकमा जागिरे रहेको पनि उनका दाइ गौरवले बताएका छन् ।
हाल रिनाका पति हर्षद कुमार जादवलाई पामुङ्के क्षेत्रीय कारागारमा राखिएको जानकारी प्रहरी अधिकृतले दिएका छन ।

रिनाको हत्या गत सितम्बर ५ ,२०१६ तारिखमा भएको हो भने उनका आरोपी पति हर्षद कुमार जादवलाई सितम्बर १२ ,२०१६ तारिखमा गिरफ्तार गरिएको छ । रिनाको दाह संस्कार सितम्बर १० ,२०१६ तारिख रिचमण्ड स्थित ब्लिलेज स्टाप्ल्स मिलमा नजदिकका आफन्त तथा नातेदार बिच गरिएको समाचार स्थानीय पत्र पत्रिकाले लेखेका छन ।
अमेरिकामा रहेका पत्रकार विजय थापाले भर्जिनियाबाट प्रकाशित हुने स्थानीय विभिन्न पत्रपत्रिका तथा अनलाइन मेडियालाई आधार बनाएर सो समाचार तयार गरेका छन् ।