हामी सबैकाे संसारन्यूज

२६ असोज, काठमाडौं। रेसुङगा नगरपालिका-३ रेसुङंगा संरक्षित बनको गौशाला क्षेत्रबाट विभिन्न बिष्फोटक पदार्थ राखिएको अवस्थामा लु.३६ प ४८५६ र लु.१६ प १९१७ नम्बरको मोटरसाइकल शनिबार राति प्रहरीले नियन्त्रणमा लिएको छ ।

बन्यजन्तु तथा पशुपक्षी चोरी सिकारी गर्नको लागि प्रयोग गर्न तयार पारिएको २ सय ७५ ग्राम बारुद, १ सय १५ ग्राम फलामको छर्रा, ६० ग्राम किटको छर्रा, १ सय ५० ग्राम सिसाको छर्रा, २१ थान केप, २ रोल केपमा प्रयोग हुने पटाका, ३ थान ब्याट्री, २ थान पेचकस र २ थान सियो, विभिन्न ईलेक्ट्रोनिक्स सामान मोटरसाइकहरुमा झोलामा रेसुङंगा संरक्षित बनको गौशाला क्षेत्रमा राखिएको अवस्थामा नियन्त्रणमा लिएको हो ।

उक्त घटनामा संलग्न व्यक्तिहरुको खोजीका साथै यस सम्बन्धमा प्रहरीले थप अनुसन्धान गरिरहेको छ ।