हामी सबैकाे संसारन्यूज

२६ असोज, काठमाडौं। पोखरा लेकसाईडबाट विभिन्न नियन्त्रित लागूऔषध सहित ३ जनालाई आइतबार साँझ प्रहरीले पक्राउ गरेको छ । पोखरा महानगरपालिका-६ लेकसाईडबाट उनिहरुलाई प्रहरीले पक्राउ गरेको हो।

पक्राउ पर्नेहरुमा पोखरा महानगरपालिका-६ लेकसाईड बाराहीमार्गका लक्ष्मण आचार्य, लमजुङ बेसिसहर नगरपालिका-८ सेराफाट घर भएका नबराज थापा र पोखरा महानगरपालिका-६ लेकसाईड बाराहीमार्ग डेरा गरी बस्ने सबिन पहारी रहेका छन् । प्रहरील लक्ष्मणको कोठाबाट बुप्रिनर्फिन ४० एम्पुल, डाईजेपाम ४० एम्पुल, फेनरागन ४० एम्पुल र नाईट्रोभ्याट १ सय २० चक्की लागूऔषध नियन्त्रण गरेको थियोभने सबिन पहारीको डेराबाट बुप्रिनर्फिन १५ एम्पुल, डाईजेपाम १५ एम्पुल र फेनरागन १५ एम्पुल नियन्त्रणमा लिएको थियो।

पक्राउ परेका तीनै जनालाई प्रहरीले थप अनुसन्धानको र आवश्यक कारबाहीका लागि जिल्ला प्रहरी कार्यालय कास्की पठाइएको व्यूरोले जनकारी दिएको छ ।