हामी सबैकाे संसारन्यूज

२७ असोज, बुटवल । असोज ७ गते राति तिनाउ नदिको छेउमा अचेत अबस्थामा फेला परेका र असोज ९ गते निधन भएका स्व. चन्द्रपौडेलको परिवारलाइ आर्थिक सहयोग हस्तान्तरण गरिएको छ ।

पर्वतबाट रुपन्देही आइ बसोबास गर्ने पर्वतेलीहरुको संस्था पर्वत रुपन्देही सेवा समाजको पहलमा जुटेको १० लाख १५ हजार ७४७ रुपैया स्व. चन्द्र पौडेलको श्रीमतीलाई हस्तान्तरण गरिएको हो ।

आर्थिक सहयोग रकम हस्तान्तरण कार्यक्रममा पौडेलको पारिवारिक अबस्थालाई मध्यनजर गर्दै पर्वत रुपन्देही सेवा समाजले नेपालभित्र र नेपाल बाहिरबाट समेत रकम संकलनको प्रवन्ध मिलाई आर्थिक सहयोग संकलन गरेको अध्यक्ष रामकृष्ण शर्माले बताएका थिए भने समाजका निवर्तमान अध्यक्ष लोक शर्मा वस्यालले पर्वत समाजले पहिल्यैदेखि नै दुःख सुख साटासाट गर्दै आएको स्मरण गराएका थिए ।
कार्यक्रममा महासचिव मिना न्यौपाले दुखद घटनाले दिएको चुनौतीका वावजुद केहि आर्थिक सहयोगले परिवारजनमा थोरै भए पनि राहत हुने बिश्वास ब्यक्त गरेकी थिइन् ।

समाजका सचिव सागर बस्याल, सदस्य सरु रेग्मी, महिला समिति अध्यक्ष विष्णु माया भट्टराई सहित समाजमा आवद्ध ब्यक्तिहरुको उपस्थितिमा आयोजित उक्त हस्तान्तरण कार्यक्रममा ५ जना छोरीहरुको भविष्यका लागि सबैको थप ध्यान हुने प्रतिबद्धता ब्यक्त गरिएको थियो । रुपन्देही बाहेक पोखरा, काठमाण्डौ र बिदेशमा रहेका पर्वतेलीहरु समेतले सहयोग गरेको बताइएको छ ।

पर्वत रुपन्देही सेवा समाजले रुपन्देहीका अधिकांश पालिकामा समिति गठन गरी सामाजिक कार्य गर्दै आएको छ । अध्यक्ष रामकृष्ण शर्मा तथा कार्यसमितिको बिशेष सक्रियताका कारण एउटा उत्कृष्ट उदाहरण संप्रेषित भएको छ ।