Sansar News
२७ असोज, काठमाडौँ । रोयल च्यालेन्जर्स बेङ्गलोरले यस आईपिएलमा आफ्नो पाँचौँ जित निकालेको छ । हिजो भएको खेलमा बेङ्गलोरले कोलकत्ता नाईट राइडर्स विरुद्ध ८२ रनको विशाल जित निकालेको थियो ।
टस जितेर पहिले ब्याटिङ्ग गरेको बेङ्गलोरले २० ओभरमा २ विकेट गुमाएर १९४ रन बनाएको थियो । बेङ्गलोरका लागि ब्याटिङ्गमा एबी डि भिलियर्सले ३३ बलमा ७३ रनको विस्फोट पारी खेलेका थिए । त्यस क्रममा उनले ५ चौका र ६ छक्का प्रहार गरेका थिए । कोलकत्ताका लागि बलिङ्गमा रसल र कृष्णले १ १ विकेट लिएका थिए ।
१९५ रनको विशाल लक्ष्य पछाएको कोलकत्ताले २० ओभरमा ९ विकेट गुमाएर ११२ रन मात्र बनाउन सक्यो । कोलकत्ताका लागि शुभनम गलिले सर्वाधिक ३४ रन बनाएका थिए भने बेङ्गलोरका लागि बलिङ्गमा क्रिस मोरिस र वाशिंगटन सुन्दरले सर्वाधिक २ २ विकेट लिएका थिए ।
जितसँगै बेङ्गलोरले ७ खेलबाट १० अकं जोड्दैँ अकं तालिकाको शिर्ष स्थानमा उक्लेको छ ।
वि.सं.२०७७ असोज २७ मंगलवार ०९:४४ मा प्रकाशित
