हामी सबैकाे संसारन्यूज

२९ असोज, काठमाण्डौं । नेपालमा विहिबार (२९ असोज) सम्म पिसीआर प्रविधिबाट १२ लाख ३७ हजार ६३६ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा पिसीआर प्रविधिबाट १६,५९८ वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले विहिबार आयोजित नियमित पत्रकार सम्मेलनमा जानकारी दिएका छन् ।

त्यसैगरी हालसम्म देशैभरी संक्रिय संक्रमित ३६ हजार ५३३ जना रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा १२,३३९ जनाको उपचार भइरहेको छ । साथै होम आइसोलेसनमा बस्नेको संख्या २४,१९४ रहेको छ ।

त्यसैगरी देशभरका विभिन्न अस्पतालको आइसीयुमा ३१४ जना संक्रमित उपचाररत छन् ।

मन्त्रालयका अनुसार प्रदेश १ मा ३७, प्रदेश २ मा १९, बागमती प्रदेशमा १७५, गण्डकी प्रदेशमा ६, लुम्बिनी प्रदेशमा ५४, कर्णाली प्रदेशमा १८ जना, सुदुरपश्चिम प्रदेशमा ५ जना गरी जम्मा ३१४ जना आइसीयुमा उपचाररत छन् ।

त्यसैगरी प्रदेश १ मा ६ जना, प्रदेश २ मा १ जना, बागमती प्रदेशमा ५६ जना र लुम्बिनी प्रदेशमा २ जना र सुदुरपश्चिम प्रदेशमा ३ जना गरी जम्मा ६८ जना भेन्टिलेटरमा उपचाररत छन् ।

त्यस्तै ५०० भन्दा बढी संक्रमित उपचार रहेको जिल्ला मोरङ, सुनसरी, मकवानपुर, सुर्खेत, काठमाडौ,ं भक्तपुर, ललितपुर, चितवन दाङ, बाँके र र रुपन्देही गरी ११ वटा रहेका छन् ।

त्यस्तै आज थपिएका ३७४९ जनासँगै नेपालमा हालसम्मको कूल संक्रमितको संख्या १ लाख २१ हजार ७४५ पुगेको छ । साथै आज ३५६४ जना निको भएसँगै नेपालमा हालसम्म कोरोना संक्रमणबाट मुक्त हुनेको संख्या ८४ हजार ५१८ पुगेको छ ।  आज १९ जना थपिएसँगै नेपालमा हालसम्म कोरोना संक्रमणबाट ज्यान गुमाउनेको संख्या ६९४ पुगेको छ ।

आज काठमाडौं उपत्यकाका १९३५ सहित ३७४९ जनामा कोरोना संक्रमण
आज काठमाडौं उपत्यकाका १ हजार ९३५ जनासहित देशैभरी ३७४९ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार आज काठमाडौंमा १६९२ ललितपुरमा १०८ र भक्तपुरमा १३४ जना संक्रमित थपिएका हुन् ।

मन्त्रालयका अनुसार आज प्रदेश १ को इलाम, तेह्रथुम, धनकुटा र पाँचथरमा १\१ जना, उदयपुरमा ११, ओखलढुंगामा १, खोटाङमा २, झापामा ३३, भोजपुरमा २, मोरङमा १७२, संखुवासभामा १ र सुनसरीमा ३२१ ज्ना गरी प्रदेशमा जम्मा ५४७ संक्रमित थपिएका हुन् ।

प्रदेश २ को धनुषामा २२, पर्सामा २६, बारामा १५६, महोत्तरीमा ३, रौतहटमा १०, सप्तरीमा ८, सर्लाहीमा ६ र सिराहामा २६ जना गरी प्रदेशमा आज जम्मा ११६ जना संक्रमित थपिएका छन् ।

बागमती प्रदेशको काठमाडौंमा १६९३, काभ्रेपलान्चोकमा ६७, चितवनमा ६२, दोलखामा ५, धादिङमा ११७, नुवाकोटमा ८, भक्तपुरमा १३४, मकवानपुरमा ९०, रामेछापमा ९, ललितपुरमा १०८, सिन्धुपाल्चोकमा १३ र सिन्धुलीमा १२ जना गरी प्रदेशमा आज जम्मा २३१८ जनामा संक्रमण देखिएको छ ।

गण्डकी प्रदेशको कास्कीमा ३८, गोरखामा १४, तनहुँमा ५, नवलपरासीपूर्वमा ६, पर्वतमा ३, म्याग्दीमा १, लमजुङमा ४, बाग्लुङमा ५८, र स्याङजामा १ जना गरी प्रदेशमा आज जम्मा १३० जना संक्रमित थपिएका छन् ।

त्यस्तै लुम्बिनी प्रदेशको अर्घाखाँचीमा ६, कपिलवस्तुमा ११, गुल्मीमा १४, दाङमा ११९, नवलपरासीमा ३२, पाल्पामा ६, प्युठानमा १०, बर्दियामा ११, बाँकेमा ३७, रुकुमपुर्वमा १ र रुपन्देहीमा १४६ जना गरी प्रदेशमा जम्मा ३९३ जनामा संक्रमण पुष्टि भएको छ ।

कर्णाली प्रदेशको कालिकोटमा ४, जुम्लामा १, दैलेखमा १७, सल्यानमा १ र सुदर्खेतमा ४६ जना गरी आज प्रदेशमा जम्मा ९९ जना संक्रमित थपिएका हुन् ।

सुदूरपश्चिम प्रदेशको अछाममा ७, कन्चनपुरमा ११, कैलालीमा ५५, डडेल्धुरामा १, डोटीमा २८, दार्चुलामा ३८, बझाङमा ३, बाजुरामा १ र बैतडीमा २ जना गरी प्रदेशमा आज जम्मा १४६ जना संक्रमित थपिएसँगै आज देशैभरी ३७४९ जना संक्रमित थपिएका छन् । जसमा महिला १३२२ र पुरुष २४२७ जना रहेका छन् । आज थपिएका ३७४९ जनासँगै नेपालमा हालसम्मको कूल संक्रमितको संख्या १ लाख २१ हजार ७४५ पुगेको छ ।

आज एकैदिन ३५६४ कोरोना संक्रमित निको भए
नेपालमा आज कोरोना संक्रमणबाट ३५६४ जना निको भएर घर फर्किएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये ३,५६४ जना संक्रमणबाट मुक्त भएर डिस्चार्ज भएका हुन् । आज निको भएका ३५६४ जनासँगै नेपालमा कोरोना संक्रमणबाट मुक्त हुनेको संख्या ८४ हजार ५१८ पुगेको छ ।

हालसम्म कुन प्रदेशमा कति निको भए त ?
प्रदेश १ मा ७,१७४, प्रदेश २ मा ५२३८, बागमती प्रदेशमा ३४ हजार ९८४, गण्डकी प्रदेशमा ४,४५४ लुम्बिनी प्रदेशमा ११,१९१, कर्णाली प्रदेशमा ३५९० र सुदूरपश्चिम प्रदेशमा ७८८७ जना गरी हालसम्म जम्मा ८४ हजार ५१८ जना निको भएका हुन् ।

यस्तो छ क्वारेन्टिनमा रहनेको संख्या
प्रदेश १ मा ४७२, प्रदेश २ मा १४२, बागमती प्रदेशमा ३१२, गण्डकी प्रदेशमा ६४३, लुम्बिनी प्रदेशमा १३६६ कर्णाली प्रदेशमा ५२८ र सुदूरपश्चिम प्रदेशमा १३६२ जना गरी हालसम्म जम्मा ४८२५ जना विभिन्न स्थानीय निकायका क्वारेन्टिनमा रहेका छन् । यो संख्या दिनप्रतिदिन घटिरहेको छ ।

यस्तो छ संस्थागत तथा होम आइसोलेसनमा रहनेको संख्या
प्रदेश अनुसार संस्थागत आइसोलेशनमा रहनेमा प्रदेश १ मा ७९३, प्रदेश २ मा ८७३, बागमती प्रदेशमा ७,७९३, गण्डकी प्रदेशमा ७११, लुम्बिनी प्रदेशमा १६३७ कर्णाली प्रदेशमा ४९७ र सुदूरपश्चिम प्रदेशमा १३५ जना गरी हालसम्म जम्मा १२,३३९ जना संस्थागत आइसोेलेसनमा रहेका छन् ।

त्यस्तै होम आइसोलेसनमा बस्नेहरुमा प्रदेश १ मा ४०४२, प्रदेश २ मा ६४१, बागमती प्रदेशमा १५,२२८, गण्डकी प्रदेशमा ८४२ लुम्बिनी प्रदेशमा २११७, कर्णाली प्रदेशमा ६४३ र सुदूरपश्चिम प्रदेशमा ६८१ जना गरी २४ हजार १९४ जना रहेका छन् ।

कोरोना संक्रमणबाट आज १९ जनाको मृत्यु, मृतकको संख्या ६९४ पुग्यो
नेपालमा आज पनि कोरोना संक्रमणबाट १९ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज देशका विभिन्न जिल्लामा संक्रमणबाट १९ जनाको मृत्यु भएको हो ।
.आज थपिएका १९ जनासँगै नेपालमा कोरोना संक्रमणबाट ज्यान गुमाउनेको संख्या ६९४ पुगेको छ ।

यस्तो छ नेपालमा असोज २८ गतेसम्मको कोरोना अपडेटको पूर्ण विवरण