हामी सबैकाे संसारन्यूज

२ कात्तिक, दार्चुला । महाकाली नगरपालिका बाट अवैध जडिबुटी यार्चागुम्बा सहित दोकार लामालाई शनिबार दिउँसो प्रहरीले पक्राउ गरेको छ । उनि बाट प्रहरीले करिब १ करोड ५७ लाख ५९ हजार रुपैयाँ मूल्य बराबरको १७ किलो ५ सय १० ग्राम पक्राउ गरेको हो ।

हुम्ला नाम्खा गाउँपालिका-३ बस्ने ३५ वर्षीय लामालाई जिल्ला प्रहरी कार्यालय दार्चुलाले पक्राउ गरेको हो । लामाले २ वटा झोलाभित्र प्लाष्टिकमा बेरेर टाँचा लगाई ५ वटा पोकामा लुकाई राखेको अवस्थामा उक्त यार्चागुम्बा प्रहरीले पक्राउ गरेको हो ।

बरामद गरिएको यार्चागुम्बा सहित उनलाई आवश्यक कारवाहीका लागि डिभिजन वन कार्यालय दार्चुला पठाइएको जिल्ला प्रहरी कार्यालय दार्चुलाले जनाकारी दिएको छ ।