काठमाडौं । अमेरिकाको एक अदालतले चिनियाँ मोबाइल एपमाथि प्रतिबन्ध लगाउन इन्कार गरिदिएको छ ।
सरकारको न्याय विभागले एपमाथि प्रतिबन्ध लगाउन गरेको प्रस्तावमाथि अदालतले स्वीकृत नदिएको हो । अदालतले प्रतिबन्ध लगाउनुको पछाडि कुनै ठोस कारण नभएको स्पष्ट पारेको छ ।
गत अगष्ट ६ मा राष्ट्रपति डोनाल्ड ट्रम्पले चिनियाँ मोबाइल एपमाथि प्रतिबन्ध लगाउने घोषणा गरेका थिए । जसमा विच्याट, टिकटकदेखि विभिन्न प्रकृतिका मोबाइल एप छन् ।
वी–च्याट एपका प्रयोगकर्ताले अदालतमा प्रतिबन्ध खारेजको माग गरेका थिए । जसको पक्षमा अदालतले सुनुवाई गर्दै तत्काल प्रतिबन्धको निर्णय फुकुवा गर्न आदेश दिएको हो ।
क्यालिफोर्नियाको एक अदालतले मोबाइल एपमाथि प्रतिबन्ध लगाउन सरकारसँग मनासिब कारण नदेखिएको बताएको छ । अदालतले सरकारलाई थप ठोस कारण पेस गर्न पनि निर्देशन दिएको छ । कारण पेस नगरुञ्जेलसम्मको लागि प्रतिबन्धको निर्णय फुकुवा गर्न अदालतले निर्देशन गरेको हो ।
अदालतले संविधानिक अधिकारअनुसार प्रयोगकर्ताले मोबाइल एप प्रयोग गर्न पाउनुपर्ने स्पष्ट पारेको छ । एजेन्सीको सहयोगमा
वि.सं.२०७७ कात्तिक १२ बुधवार १३:०२ मा प्रकाशित
